「仆你個街,啊濕鳩希,我想問九龍灣128部LIFT訂左盲人磚未啊?你知唔知老細落左Order幾時要開到LIFT比人啊?」我電話另一邊大大聲小緊我既叫威哥,係地盤既科文(Foreman),則係地盤既管工。

而比佢小緊果位啊希就係我,一個落左地盤半年既Graduated Engineer俗稱Grad E,實則就打雜,又要計數,又要理地盤野,依架連地盤訂料都關我事。

「Er……威哥……唔好意思,我再追追寫字樓果邊,張Order已經出左……」我未講到一半,啊威哥就打斷我:「我唔理!總之老細就同我講下下個禮拜就要開到LIFT比人。啲工人依架就企晒喺到等緊你啲濕鳩磚,但係我喺地盤就一粒磚都見唔到,我諗依筆數應該都多過你一個月人工掛?」

「Er……威哥……唔好意思……但係……」

「我理得寫字樓點,總之你聽日點都同我死到批磚出嚟,如果唔係你自己同老細解釋點解開唔到LIFT,係咁!」說畢後,威哥就CUT左我線。



而我就渣住個電話坐左喺馬桶上面呆左……無錯,係馬桶。因為工程狗就係連去大便既時間都要比人打電話小既狗工。

本應我其實已經比人小慣,但係偏偏今次我真係頂唔住,我內心入面有十幾廿萬句粗口好想爆出嚟。明明磚人磚張訂單早兩個月寫左比寫字樓點解偏偏到今日都仲未有貨到呢?
今次威哥仲要用起唔到貨開唔到LIFT去大我,咁大隻死貓,我真係食唔落,於是乎我打左去比訂料部既欣姐:「喂?啊欣姐,我想問我早兩個月前落左既盲人磚張單出左未架?我依架比地盤小到上天花板啊!起唔到貨啦!」

啊欣姐聽到我咁燥佢都唔客氣反擊番我:「啊希哥,兩個月前既單你又唔同我講個Order No.我又點知係邊張啊?你小我都無用架,兩個月前先訂,我地都要時間搞架。係急既你咪打多幾次催我地囉~」

「兩個月仲唔算早?唔通要半年前訂啊?我都未出世啊,仆你個……」話口未完,啊欣姐又打斷左我:「等等先!張單應該出左,係差Acount果邊未過數到比人Bo。你係要追就追果邊。」

我心諗今次玩到咁盡用會計部撻我?好!我就同你玩盡佢!



怒火中燒既我同啊欣姐講:「幫我駁過去會計部!」

點知啊欣姐又好爽快咁駁左我過去「DO~DO~DO~DO~喂?」係把後生既女仔聲。

我怒氣沖沖咁講:「呀會計部啊,我想問盲人磚筆數究竟過左比人未啊?」

會計妹陰聲細氣道:「Er……?你係邊個」

我道:「我叫啊希係你地公司既Engine,我想講九龍灣128個盤就係差你盲人磚筆數先起到貨啊!你叫我點同老細交代啊?」



可能係我講野太粗魯,嚇到個會計妹都唔敢太大聲講野:「老細話……張單未出得住Bo……」

聽到佢咁拋波,我就更加怒火中燒,所以大佢話:「Bu你啊麼,你叫咩名,等我問下老細係咪咁講!」

會計妹開始喊喊地答:「我……嗚嗚……Kathrine……」

聽到佢咁喊法,嚇到我咩火都無晒,態度即刻嚟個180度轉變:「Er……Sorry……Er……我語氣重左啲,麻煩你幫幫手出左張單佢啦,地盤真係好急要。」

「嗚……嗚……嗚……」Kathrine都係照喊到收唔到聲,而我都唔知點好,唯有收線算。

過左幾日當然盲人磚依然係無到過地盤,當我比人小多獲甘之後,再打過去材料部我先知我成功地小走左啊Kathrine。

依個都係我同Kathrine之間第一次接觸,我唔知點解果日佢會咁大反應,係一次機緣巧合下遇番佢,我先知道個來龍去脈。
已有 0 人追稿