其實有時我喺度諗,究竟人生有咩意義。喺生物學上,人就係為繁殖後代,將基因傳畀下一代,不過淪為最終好大機會消失而且喺宇宙入面不足掛齒嘅基因嘅奴隸有咩意思呢?有啲人話人生嘅意義就係尋找人生嘅意義,我唔明點解世上可以有一句咁自相矛盾嘅說話存在。又有人話人生係恩典,「活著」就係人生嘅意義,我可以好肯定咁講嗰啲人絕對係忠於社會嘅螺絲,而唔係我要嘅異類。總之,最後我發現原來意義根本唔存在,簡單黎講即係冇意義。
已有 0 人追稿