痴漢聯盟: 3 MTR上的戰鬥
地鐵車廂內
' 一手交錢 , 一手交貨 ? 你吾係信吾過我地呀麻 '
兩名穿著西裝既男人向面前身穿棕色外套的中年男人問
' 吾好意思 , 吾好意思 , 係我緊張左少少 , 呢度係你地要既野 '
中年男人明顯好驚面前既兩人 雙手恭恭敬敬咁遞上懷中既公文袋
紫色西裝男接過公文袋檢查之後 , 就向身邊既另一名藍色西裝男示意
同行既西裝男就遞比中年男人一個黑皮箱
外套男打開一條小空隙，窗外既光線湧入黑皮箱 ,
照亮左成箱價值200萬既珠寶就放喺裡面!
' D金條無少到呀麻 '
' 無 , 無 , 無 , 係我多慮左 , 不愧為龍記 , 出手果然大方 , 希望日後多多幫.....噁 '
[ 鏗 ]
外套男突然手扼喉嚨向後倒下
' 噁啊..........噁......救我 '
佢雙腳不斷踢空 , 掙扎個樣就好似全身被咩野撕裂左咁
然後吾夠十幾秒就兩腳一伸再無動靜 .
' 啊啊啊!!!........ '
四圍既乘客被嚇到雞飛狗走 , 個個都從走到第個車卡
空曠既車廂里面留低左一個男人 , 一個戴墨鏡既男人
' 你係 .......IIO人稱 Ka君 既Saint ?! (Saint即S級職員) '
左側既西裝男認出面前男人既身分
' 哦也 , 竟然係呢度都有人識我 , 不過 , 我吾係 你地口中既Saint , 我係 [ 炮姐 ] 啊 '
' 嗯 , 中意動漫既程度已經超過常人既理解 , 果然同傳聞中一樣係個毒撚 . '
' 無視某種物理定律既能力.......嗯 , 聽落有D棘手 , 仲有 , 『超電磁砲』 呢套動漫都吾好睇 . '
' 榛木識你咁耐我都吾知你咁毒 '
' 你就吾好睇!!! '
兩枚硬幣向二人猛然射出 , 一枚被穩穩接住 , 另一枚卻射歪左3厘米
' 咁都吾中頭 , 可惜可惜 '
Ka君搖搖頭
' 穆年 , 係時候上啦 '
' 仲洗你提? 小心你自己先啦 '
兩人掏出匕首一步一步走近面前的Ka君
西裝男二人同Ka君在4米外互相對峙
' 哦? 雙刀流? '
自稱 [ 炮姐 ] 既Ka君從背後抽出兩把迷你短劍
並擺出左某個動漫男主角既持劍方式
一青！一黑！
' STARBURSTSTREA...... '
' 妖 , 死毒撚 '
榛木先發制人 , 持匕首捅向Ka君 ,
穆年隨後接招
二人延綿不絕既進攻令Ka君不禁後退左幾步
' 哼 , 你以為咁樣就可以造低我 ? 再黎！
starburststrea啊啊啊啊啊~~~ '
Ka君好似癲左甘手持雙劍瘋狂斬向較近既穆年
面對如此猛烈攻勢 , 穆年亦只有護住重要部位
喺中左十幾刀後，穆年成功搵到機會脫離戰鬥
D血染到穆年件衫紅哂
'傷口只不過係約4mm , 睇黎你既能力吾包近戰'
穆年慢慢分析道
' hmm , 係你頭先接住我電磁炮既同一招wo ，你係高強度既肉體強化？ '
一邊同榛木交戰既Ka君 , 另一邊就同穆年吹水
' 你....太過分心啦 ! '
榛木在戰鬥中居然合埋左雙眼，持匕既手勢亦變為反握
' 你都要用能力啦咩............Shit...'
Ka君停止左嘴炮 , 皆因榛木完美格擋左曬自己所有攻擊
並趁機直刺自己既心臟 !
' 無咁易～ '
Ka君哈哈一笑，向後輕輕一躍
再次落地已經喺10米之外, 速度之快令二人震驚
' 高速移動?...吾....應該吾係 '
榛木咪住眼慢慢思索
' 哦 !!...我明啦 , 原來係咁.....無視左慣性定律.... '
穆年分析道
' 原本人喺車廂內向上跳時受到慣性定律影響落地時仲會停喺原來既地方
不過佢發動左能力之後 , 跳起就會依照列車行駛既反方向十幾米既地方落地 '
' 不過,只要前後包抄就... '
榛木轉眼間就決定左對策
二人再發起攻勢
今次佢地吾再兒戲 , 全力以赴
果然吾夠十幾秒,就成功將Ka君逼至絕境，而Ka君隻手已中兩刀
「 碰！」
又一次,榛木突破防禦,匕首再次刺向Ka君要害
' 嘖 , 再黎 '
Ka君再次發動能力向後跳起避開左呢下攻擊
喺空中又為自己既聰明才智哈哈大笑
'哈哈你地以為可以傷....'
[ 轟 ]
Ka君後背以時速60公里撞撚左喺條扶手鋼柱道
' 哇 , 睇到都好痛......應該骨折都有份 '
[ 請緊握扶手 , 請緊握扶手 , please hold the handrail. ]
' 屌..... '
港鐵成功對Ka君做成二次傷害
Ka君背部受到直接重擊 , 已無法繼續戰鬥 直接暈左
' 唉 , 屌 , 條友好撚on9 , 我地了結左佢啦 '
榛木搖搖頭 , 好無奈咁講
' 嗯 , 真心柒 , 明明能力幾屈 '
榛木同穆年慢慢走向Ka君 準備補刀
而呢個時候列車緩緩停低
車窗外石澳站三個大字亦緩緩進入左兩人既視野
穆年伸手按住左榛木
' 窮寇莫追 , 出面有人 '
榛木睇向月台 , 成個月台就剩低三名戴墨鏡既人企喺度 , 應該就係呢三個人疏散曬左月台上既人
而呢三人左胸制服都扣左印有IIO字樣既徽章
雙方隔住車窗互相對視 車外既三人打左個手語
意思係 " 停戰 "
幾秒後 , 榛木點左下頭
向對方左表達無戰鬥既意思
對面為首既人亦點頭示意
[ 磁 ]
車門打開 , 其他車廂既乘客即刻沖出車站
榛木二人混入人群離開車站既同時
IIO一方則步入列車
---
榛木
花名 ＝無
寶具 ＝短刀
能力 ＝超感官爆發
評級 ＝S
---
' 嘉欣哥呀 , 嗚嗚嗚我既嘉欣哥呀 , 你點解死得咁慘呀嗚嗚嗚 '
見到訓喺地下既Ka君 , 其中一名墨鏡女脫下墨鏡擦拭眼淚
' 咪喊啦娉婷 , 嘉欣未撚死呀 , 仲有呼吸呀 '
' 咦係咩 , 嘉恆哥 '
' 係呀 '
' 嗚嗚嗚我既嘉欣哥呀 , 你點解咁撚柒呀嗚嗚嗚 '
娉婷繼續喊
' 屌 , 好煩 , 偉欣你救吾救到佢 '
' 應該半個月恢復到 , 不過我跟住落黎半個月內都用吾到能力 '
' 好.......事不宜遲，咁我地快D帶佢返基地 '
兩條女無任何動作 , 淨係望住嘉恆
' 喂 , 你們仲吾郁手 '
' 咦~人地女仔黎~~架 '
' 係囉~D粗重野梗係比猛男做架啦 '
' 屌 , 算 , 我自己黎 '
嘉恆抱起Ka君 , 返回基地
' 今晚食咩好? '
娉婷問偉欣
' 食你老味 '
Ka君抬頭應左下 ,
然後又暈低左