痴漢聯盟: 7
A++級!!
眾人大驚
呢個老婆婆竟然係咁勁既能力者
頭先啱啱調戲完佢既英城不禁吞左幾啖口水
' 老婆婆....你講緊笑喳華.... '
' 我既能力係咩 , 你地班廢物有資格知咩? '
喺講野既同時，老婆婆一步步咁走向英城
極俱威嚴既低沉聲線令到眾人起哂雞皮
' 不過我可以喺佢身上試比你地睇 '
' 吾好啊 '
英城驚到後退左數步
但佢已經無得再退 , 背脊貼左落埲牆道
' 呀哈哈哈哈你個死仔走吾甩架啦 '
' 吾好啊 ～ 老婆婆 冷靜D啊 '
阿甘同林至威以及陳廷街喺20米之外既街尾大嗌
' 屌你地兩個幾時跑到嗰道 '
' 哈哈哈，受死啦 '
老婆婆雙手伸向英城 , 數月未剪既灰長指甲喺夜色中顯得分外陰森恐怖！
[ 蹦 ]
老婆婆半路中卻突然扑街
' 矣 !!!?? 搞邊科 '
吾知點解老婆婆突然倒地既眾人都一頭霧水
' 屌你咩 , 點解有條水管喺道架 , 唉喲好痛 , 仲吾過黎扶我 '
老婆婆趴左喺地上 , 吾郁腳吾郁手淨係郁把口
' 快D扶我呀 '
' 咦 ？阿婆你吾喺A++能力者咩 '
英城一邊扶起老婆婆 , 一邊問
' 我個能力咪就可以呃你地d 蒙仔囉 '
' 咁呀婆你頭先扮得真係好似呀嘛 '
' 唉喲 , 無陰公囉 , 70幾歲跌成咁 , 分分鐘斷骨 '
老婆婆撳住條腰 , 東摸摸西摸摸 , 好似有條骨吾見左
' 唉咁啦 , 呢兩萬蚊就比阿婆你睇骨科啦 '
英城翻開銀包 , 塞左兩萬比老婆婆
' 你呢個後生仔都幾有米 , 大拿拿兩皮野就咁比左我 '
' 梗係, 英城ceo黎架 '
陳廷街喺遠處大嗌
' 咩係C C C cceo 呀? '
一把女聲從另一邊街角傳出黎 聲音既主人係一個約莫1米65既女仔 身穿衛衣同牛仔褲
及肩既長髮隨住個女仔搖搖晃晃既身形喺空中飄逸 塊面紅紅地 明顯係飲醉左
' 咦 , 呢條女吾錯wo 至威 上啊 '
阿甘舐舐脷 隨即決定郁手
' Okok '
林至威沖前並使出佢自創既武功 ,
呢個武功既宗旨大有名堂 ,
可謂前無古人後無來者 ,
喺任何一個時代都會遺臭萬年既絕世武學
名為
[ 痴漢擒拿術 ] !
然後林至威就比紋星一野踢飛
無錯佢真係飛起左 頭仲塞左入個垃圾桶
' 哼哼哈嘿 , 快使用雙截棍.... 嗯 ? 點解有件浴袍喺空中飄緊過黎嘅？'
紋星講既當然就係阿甘 , 呢個時候阿甘維持隱身走到紋星面前 , 然後大嗌
' Surprise mother fucker ! '
' 啊啊啊啊啊!!!!!!露體狂啊～～ '
紋星嚇到條件反射用高跟鞋尖瞄住阿甘既下體連插數野
' 啊啊啊啊好撚痛啊 '
二人雙雙倒地
一個嚇到暈左
一個痛到暈左
而喺附近巡街既馬爾他尼聽到發出既騷動 ,
亦透過無線電集合其他巡邏隊員
' 咁我地宜家點呀 '
陳廷街見形勢不妙 ,
扯住往回走既英城
' 英城 我聽到嗰邊有腳步聲 , 快D走 '
' 但係阿甘佢地... '
英城堅持要拖走阿甘 , 就算明知會拖累自己
常人話喺危急關頭人類既思考可以突破常規 ,
呢一剎陳廷街就親身體會到呢句話既意義
' 我有橋 ！ '
陳廷街發動能力 , 全身長出白毛 , 頭上亦出尖角 , 變成一種四足動物
' 快D上黎 '
' 真係要騎你咩？ '
' 係兄弟就黎騎我，阿死，好似講左D好基既野 '
吳英城騎上陳廷街所化成既動物 , 先拖走塞喺垃圾桶既林至威 , 然後再去救起阿甘
呢個時候楊知寒及秦宜亦趕到 , 見到訓喺地下既紋星 , 即刻做好戰鬥準備！
' 立即落黎！'
秦宜擋住去路並大嗌
' 點解我要落黎？'
吳英城反問秦宜
' 宜家懷疑你同一宗傷人案有關 '
' 我係白馬王子，宜家我要去救世界 '
' bullshit 我從來未見過有咁細隻既白馬 '
秦宜指住陳廷街所化成既生物，作為一隻載人既動物好似的確細左小小，得個一米幾長
' 呢位姑娘有所不知 , 呢隻係獨角獸 '
' 獨角獸都邊有咁細，你咁大隻騎上去宜家虐待動物呀？ '
' 咪住，咁你望下我，我係咪好似一個王子 '
秦宜同楊知寒望向吳英城，吳英城俊朗既五官同高大既外表，二人望向佢既時候，又真係幾似一個王子，而每個女人都會有一個白馬王子黎迎娶自己既夢想，秦宜呢一刻就好似被愛神射中咁 , 個頭同下面仲痕痕地添 (其實係吳英城發動左能力，操控住秦宜D毛髮，搞到佢以為係生理反應)
' 你真係一個王子？ '
秦宜問
' 如假包換 '
' 咁點解你嘴角有條刀疤 '
' 之前剃鬚既時候吾小心刮傷左姐 '
' 寒姐........寒姐....係..白馬....王子啊 '
訓喺地下既紋星暗暗沉沉咁講
' 哼，呢D咁既野根本無可能發生，你同我即刻落黎 '
知寒一步步走向吳英城，手中凝聚冰刀，隨著距離既縮減，知寒亦見到訓左喺馬背上既林至威
' 你仲脅持左個人？ 你將會罪加一等 '
聽到呢句，陳廷街亦流左好多馬汗
" 佢真係白馬王子 , 你再吾放佢走 , 世界就會比魔王摧毀 "
一把聲音突然傳黎 雖然微弱 但當中好似蘊含左一種神秘既力量 令人信服
' 好 , 為左呢個世界，我就放你地走啦 '
楊知寒放下左冰刀
' 多謝姑娘 '
知寒同秦宜讓開左路 , 而吳英城迅速將阿甘放上馬背後亦隨即離去
------
痴漢四人眾成功逃離左IIO既追擊，而宜家佢地就喺英城間大別墅道休息
' 哇屌，如果至威無及時醒到，發動能力催眠左佢地，咁就真係扑家啦'
阿甘揞住自己條J，心有餘悸咁講
' 我唸就算頭先我發揮左最大限度既能力，廷街無變成隻獨角獸，個兩條女都吾會信 '
林至威
' 唉，我原先其實想變隻白馬，點知多左隻角'
' 總之，屌，真係死里逃生 '
經此一夜，四人了解到自己既力量係幾咁弱小，林至威頭先將自己既能力發揮到平常既四倍，數日內已經不能再使用，而陳廷街亦因變成獨角獸運載三人而筋皮力盡。