痴漢聯盟: 11
凌晨兩點 沙田永宜街---
' 嗰幾間金鋪就係一陣班劫匪要搶既店 '
' 你地最好快D視察環境 上次佢地大約喺三點郁手 '
' 記得戴手套仲有盡量吾好整親流血 '
（雖然周時雨一年內都吾需要吸血 , 但見到血液大腦自然會興奮）
周時雨帶領四人在暗巷觀望
凌晨兩點大多數市民都訓著左
而呢附近既樓都幾乎都識曬燈
月光不經意咁灑喺地下
就好似舞台燈咁照亮左成條街
' 月黑風高殺人夜 ? ....阿甘 , 你一陣先潛入去永保金飾 '
' 點解要嗰間 ? '
阿甘問
周時雨身為前IIO高級成員 , 戰術方面都頗有涉獵
' 呢條街係一個Y型路 而永保金飾位於中央交界處
而佢旁邊條路就通去新界
前段時間觀唐單野之後警察派發左大量既警報器
只要其中一間有被觸發
D警察就會從五條街外既警署趕黎
所以佢地一觸發警報器就要著草
呢個時候如果先爆Y字兩端既店舖
撤離既時候仲可以直接破門洗劫埋旁邊嗰幾間
咁佢地就會爆多幾間金鋪
我個線人查到佢地淨得幾個人識開鎖
所以班友一定會分頭行事
你哩喺永保金飾
一黎我已經裸到永保金飾既後備鑰匙
二黎你既能力最合適
呢把手槍就比你防身
一陣見機行事 ok? '
' Ok '
咁我地呢?
英城問
' 嗯...英城 你揸車技術好吾好 '
' 我曾經裸過業餘房車比賽既亞軍，應該無問題 '
' 一陣可能要開走D劫匪既車，你就負責開車 '
' 收到 '
' 廷街 , 你去天台 一陣見到佢地黎就睇實佢地 睇準時機幫手 '
' Ok！'
' 嗯 lets move '
' Boss 咁我要做咩？'
林至威問
' 你著住呢件衫，有項特別任務交比你 '
' 呢件野..... '
林至威從周時雨手中接過呢件藍色制服
------
凌晨三點
一架黑色面包車慢慢從遠處駛入永宜街 正如周時雨預測 架車停左喺永保金飾門口！
' 佢地到啦 '
車上出左黎6個戴面罩既黑衣人 佢地以3人為一組 分別走向兩邊商舖
' 果然佢地淨得兩個人識開鎖 '
周時雨打出左個手勢 示意眾人耐心等待警報器被觸發
[ 咔嚓 ]
其中一邊既劫匪已經成功打開防盜門並入內洗劫
佢地吾洗五分鐘就從裏面出返黎 並將裝滿珠寶既袋掟上后車廂
然後繼續洗劫下一間
------
嘖! 第7間
周時雨暗罵
呢班劫匪已經洗劫左6間金舖 而警報器一個都無響到！
周時雨原本預計洗劫到第四 , 五間 警報器就會被觸發
而宜家只要再爆多一間 , 班劫匪就會進入阿甘所在既永保金飾
無可能 IIO既警報器無可能會失效 吾通佢地真喺咁好彩?
" 咪住.....如果係特殊類型既超能力既話 "
周時雨一邊思索
一邊裸出褲袋既手機
" 無信號 ?! "
周時雨即刻從暗巷沖出 向黑色面包車內探頭查看
里面仲有一個男人!
而呢個人亦都發現左周時雨
' 小姐你邊位 '
周時雨反問
' 你就係左干擾電子產品既能力者 ? '
' 嗯 無錯 不過你估啱又點 '
男人瞬間抽起車壁挂住既匕首 刺向周時雨!
' 太慢 '
右手五指並起 利刃般既指甲乾淨利落咁劃開敵人既喉嚨
鮮血從佢條頸濺射而出 個男人雙手撼住傷口 試圖阻止血繼續流失 口中不斷 咦呀咦呀 咁叫
' 哼 你覺得會有用咩 '
周時雨十指插入男人既頭骨 呢下佢已經死到無得再死
' 鈴鈴鈴鈴鈴鈴 '
電磁波能力者一死 被干擾既多個警報器全部同時響起
------
沙田警署---
' 劉Sir 永宜街D警報器響哂 應該係D金鋪比人爆緊 '
一名警員向上司滙報
' 唉 , 半夜三更D人就最鐘意搞事 你去叫第二特勤組 同埋 黃物物 去捉賊 仲有裸ISO比既裝備去test下 '
' Yes Sir '
------
中華金飾內
' 警報器響左?! 撇 '
為首既黑衣男通過無線電下令撤退
佢吾知點解被干擾警報器會突然正常運作
但係佢有一種不祥既預感
其餘劫匪收到指示迅速將剩低既珠寶裝入高爾夫球袋 返上車走人
首領打開被周時雨關上既後尾廂
而佢隨即就望到一對吾屬於男人既腳
' 你係邊....... '
眼睛一眨
首領黑衣男已經人頭落地
' shit 又見血 '
周時雨擦走指甲上既鮮血 輕輕跳出後尾廂 落在眾劫匪面前
' 大佬 ! '
正趕黎上車既黑衣匪徒紛紛舉起槍指住面前呢個女人
' Fire ! ' ' 幫大佬報仇! '
全部匪徒同時集火攻擊 頃刻之間子彈如暴雨般灑向周時雨
[唰] [唰] [唰]
周時雨身形不斷閃爍 如此數量既子彈竟無一命中 !
[ 咔 , 咔 ]
隨著匪徒扣空板機 最後一粒子彈亦被射出
街上回歸深夜獨有既寧靜 就連被噪醒既市民都吾敢作任何聲
子彈對佢無用?!
匪徒們放下槍械對望 隨即不約而同咁拎出腰上既開山刀沖前
[ 踫 ! 踫 ! 踫 ! ]
擅於近身戰既周時雨自然吾會退避，雙方開始短兵相接
然而數次交手後匪徒竟無一受傷 佢地竟然都係用刀既高手 !
[ 撕 ! ]
周時雨既西裝被利刃數次劃開
露出鮮紅既內衣
同時左肩亦慢慢浮出數道血痕
周時雨只好咬牙突破重圍 奮力一跳 跳到三樓既廣告牌稍作休息
[ 嘖 頭先避開D子彈消耗太多能量 如果飲左血班蛋散邊傷到我 ]
而陳廷街化身既鸚鵡從天台躍下
展翅盤旋數周後落到周時雨右肩
呢個角度啱啱好望到佢對波
' 廷街 , 有咩料到 '
周時雨問
陳廷街mark開口
用極奇尖銳既鳥聲講出佢觀察到既野
' 嗰個左手攞刀既男人 刀法應該係最勁 而且佢地當中應該有幾個係能力者 '
周時雨望住下面不斷叫罵既一班匪徒
同時亦分析陳廷街頭先講既野
' 好 做得吾錯 你可以收工走人 '
' 吾洗我幫手 ? '
' 嗯 '
陳廷街拍動雙翼 , 飛回屋頂
' 屌你死八婆夠薑就落黎同我地打 '
地面六條劫匪喺地面不斷大嗌
' 好呀 '
說罷 , 周時雨右手一揮 , 割斷招牌既承重鋼絲
[ 轟 ]
六米高既招牌瞬間墜下 一個劫匪閃避不及直接變成肉餅
[ 啪 ]
招牌上既霓虹燈管受到踫撞碎開 湧出大量灰色氣體 整整半條街都被煙霧籠罩
' 咳咳 屌 好大煙 '
兩條劫匪背貼背 二人都係一手掩鼻一手持刀
' 點算 ? '
其中一名劫匪透過無線電聯絡其他人
' 大家不如分頭走 條八婆好撚...'
' 嗯？ 發生咩事 啟明 喂 收吾收到 '
' 佢死左啦 '
無線電中傳黎周時雨冷淡既回應
' 你個賤人 我一定會殺左...'
[ 咔 ]
無線電耳機被人踩碎既聲音響徹四周
而眾劫匪宜家心里面都充滿左恐懼
[ 噁呀 ]
又係一聲慘叫
' 好似係李全山把聲 '
一名匪徒說道
' 可惡 '
' 哼 . 條八婆只不過依靠D煙偷襲 '
' 我宜家就整走哂D煙 '
個劫匪口中吹出強勁氣流令周圍形成一個區域隔絕自己同另一條劫匪周圍既煙霧
佢係風能力者 !
' 哼 宜家無曬D煙就睇你點哩 '
' 傻仔 , 你自己咁咪暴露埋自己 '
阿甘從金鋪沖出 , 對準劫匪連開6槍
子彈穿過風圈 雖然比風擾亂左彈道
仍然有半數子彈擊中另一個劫匪 當場死亡
' 嘉明 ! '
見到隊友慘死 風能力者大嗌 全力驅動風刃攻擊阿甘!
阿甘見到鋪天蓋地既風刃 既刻隱身規避
不過風能力者並無放棄 憑直覺繼續操縱風刃攻擊阿甘!
' 嘖 '
十幾米外既周時雨折斷半截指甲 反手甩出 插中劫匪嚥喉
而風刃亦喺差D切開阿甘前一秒消散於空中
' 呼 好險 '
阿甘大啖大啖喘氣 頭先佢差少少歸西
眾劫匪 , 卒
' 你地開走架車 '
周時雨透過無線電向所有人下令
' 我留低幫你地拖延時間 '
------
凌晨 03 : 21
藍與紅的光不斷交替閃爍
一個穿著警服既男人從警車中走出
' 好耐無見 周時雨
仲以為你喺幾年前既嗰單野道死撚左
你今日驚動警方係為左引我出黎 ? '
' 無錯 , 黃若師 你知道李有朋喺邊 '
' 因為我最廢 所以黎問我 ? '
' 無錯 '
黃若師從警車中取出一樣圓柱型既物件
' 呢件野 中文叫做 鑽劍
英文代號系Diamond Sword ,
係ISO提供既武器 今日就喺你身上試下水 '
說罷 黃若師踏過滿地既屍體沖向周時雨
" 近身戰 ? "
周時雨以手為刀 劈向黃若師既心口
黃若師並無避開 周時雨既右手瞬間沒入黃若師胸口 鮮血噴湧而出
' 嘖 '
周時雨抽出右手 急退數十米
胸口穿左一個窿既黃若師身體瞬間爆裂 , 肉體化為漫天花瓣飄散係空中
周時雨望住空中嗰團桃花瓣 不由得感歎
' 不愧係我識既黃若師 故意受傷 令我身上沾上你既血
減低我既隱藏能力 ,
又可以令對血液敏感既我分心
如果當年你無參與嗰件事
憑你既頭腦做到Boss都吾出奇 '
' 哼 其實入到PIO都吾錯 '
[ PIO為香港警署2005年設立既超能力部門 ,
規模比起香港IIO分部黎講吾大但都有17名S級 (包括黃若師) ]
空中嗰片花瓣逐漸堆疊出黃若師既身體
' 宜家 我要認真 '
黃若師再次化為花瓣消散於空中 今次係真正意義上既消失
周時雨警惕咁望住四周 但完全無黃若師既蹤跡
佢去左邊 ?
突然 周時雨好似感應到D咩咁
夾生側開盤骨右扭 跳到十幾米以外
下一秒 , 黃若師竟然出現左喺周時雨頭先企既位置
' 唉呀呀 我就知道你避得開 '
黃若師偷襲吾成 ,
撳左圓柱形物體末端手柄上的按鈕
手柄慢慢延伸 形成一個細長既圓錐
[ 修 ]
圓錐形既劍身開始轉動
經過精巧設計既劍身能卷入氣流增強突刺穿透力
不過同時亦會令使用者更難單手掌握
------
' 哩地嘩啦 Boss 會吾會有事 '
一個嘴角流血既黑衣男問車里面其他人
' 頂 吾好玩條屍 好核突 '
林至威講既係陳廷街 頭先臨急臨忙上車無清理電磁男既屍體
宜家陳廷街兩隻手嗱住條屍個頭同下巴喺道扮講野
' 好囉 咪吾玩囉 '
陳廷街鬆開雙手
電磁男既屍體緩緩倒下
而佢正正就係陳全勇
------
[崩]
呢個係被金屬被刮花既聲音
周時雨試圖擋下黃若師既招數
不過佢低估左鑽劍既破壞力
幾個回合既交手
堅如合金的指甲亦嚴重磨損
' 你以為就憑幾塊硬少少既指甲就可以永遠擋到我呢把鑽劍? '
黃若師大笑 依靠手中既武器不斷喺周時雨身上留下傷口 更將周時雨逼入死巷
' 呢把劍之所以叫做Diamond Sword 係因為連鑽石都可以破壞呀 所以.....受死啦! '
說罷 黃若師發動鑽劍最大功率刺向周時雨
[ 滋 ]
鑽劍成功(鑽)穿周時雨既腹部
黃若師大喜
但係呢個時候鑽劍既劍身卻停止轉動
' 點解會咁? '
黃若師緊握劍柄嘗試將鑽劍抽離 不過都失敗 只得棄劍脫離
' 你太低估我
同時你亦高估左你既武器
我系特登比你插入我身體
再鎖死自身既肌肉
咁樣依靠轉動黎獲得破壞力既鑽劍就會亳無用武之地
如果你既武器係完成品
我都好有可能失手
可惜並吾係
同埋
恭喜成為吸血鬼 '
' 吸血鬼? 無可能 我都無比你咬過 你大我呀 '
' 哼 check下你對鞋 '
黃若師翻開鞋底 有舊野插左系上面