痴漢聯盟: 15

周圍既一切開始模糊 瓦解 隨即又相互交錯 形成一個全新既空間
' 呢度喺.... '
紋星現正身處一條昏暗既角落頭 旁邊係十幾米高既混凝土建築 
' 吾通係!? '
' 無錯, 呢個場景係按照你後日行動地點而起既 不過當然係當初呈交比土地工程署既圖紙 你到時吾好以為入過黎呢度就熟曬D路線 根據衛星拍下既K射線圖 間工廠僭建左吾少地方 '
' 你話後日行動!?你覺得我可以pass咩!? '
' 根據運算結果 你有百分之22% 通過呢場測試成為B+級職員 百分之68%失敗 百分之10%upgrade到A級 '
' 30幾%.... '
' 跟住落黎 我吾會再出現 '
------




夏紋星無疑係緊張到打冷震
' 呼 冷靜D 紋星 你之前喺條窄巷都踢飛左個撚人 你今次一定得嘅! '
紋星嘗試撫平自己既情緒 佢用力握左握拳頭 開始分析形勢
' 成個行動最重要既目標係救嗰個馬議員既家屬 原本有成隊IIO執行任務 先可以分頭救埋普通人質....宜家淨得我一個 我應該去救嗰一條友 '
紋星一邊運轉思緒 一邊屈身前行到一個路口 
' 嗯? '
紋星本想探頭張望 但路口突然傳黎腳步聲 而且越行越近!
撳下雙手手心既按鈕 兩片刀刃[咔擦]一聲彈出 並固定喺紋星指掌關節之上
[ 蹡 ] 
刀身插入牆壁既罅隙 紋星借力迅速爬上天台 




[ 踢躂 踢躂.... ]
到左天台既紋星俯身張望 地面路過巡邏緊既四名匪徒 佢地手持釘槍 胸口覆蓋左類似防彈衣既物件
1打4? 就算打得過都會吸引其他人既注意 
紋星搖搖頭 縱身躍到另一棟睇落去係辦公樓既建築 
[ 咔 ! ]
鞋底十二粒鞋釘同時觸地 發出吾細既聲音
' Shit 頭先個下佢地一定聽到 '
用鋼爪勾住天台邊緣後 紋星吊左喺半空中 
' ! '
紋星發現自己既位置啱啱好就喺保安室窗外! 




' 原來係咁~ '
紋星透過百葉窗睇到工廠既閉路電視監控螢幕 
上面顯示工廠員工大多被囚禁喺員工宿舍
而馬議員既家屬就被困喺一間有桌球枱既房
桌球枱 ? 
咁應該係員工休憩室啦
不過喺邊呢 ? 
正當紋星諗緊既時候 佢眼角掃到一塊工廠平面圖
' 呀咧 !? ' 
個櫃擋住左半邊 
嘖 跳吾跳入去好呢 
[ 踢躂... ]
天台黎左幾個匪徒 步伐劃一 就好似受過專業訓練 
聽到數人既腳步聲 紋星放鬆全身肌肉 並穩定勾緊天台既雙手 隱藏好自己 
其中一個人走到紋星附近檢查 check完講左句




' 呢.度.Clear。'
講完佢就返去同其他 '人' 滙合
' 機械音!? '
紋星心諗
" 呢個場景咁真實 真到我差D吾記得呢度係虛構既
既然係虛擬空間 就吾洗用對付正常人既方法 "
紋星故技重施 吹左下口哨然後即刻嗚低 
果然聽到腳步聲再次傳黎 
個AI搵左一陣之後又無功而返
' YES '
正當紋星為自己破解到虛擬世界既規則而自喜既時候
下一秒 紋星既意識就返返現實世界 
' 矣 點解我出返黎既 我都未救到個人質 '
紋星除低TVR頭盔後 一陣劇痛隨即陪回喺太陽穴附近 
' 呢個測試並吾係考你對能力既熟練度 '




中央電腦向紋星解釋
' 而係考你睇吾睇得穿周圍既形勢 '
' 有時候 一個C級人員一把手槍就可以搞掂一個S級能力者 
好多A級上吾到S好多時係
因為佢地吾識臨機應變 
我就會暫緩佢地晉升既速度 '
' 吾通我宜家升到A級 ? '
' 吾係 我將你升到B+ '
' 吓 但係你頭先話我表現幾好wo? '
' B+既級別已經可以參與後日既行動 
你暫時仲未有A級既實力 
我吾可以比你單獨行動 '
' 嗯.....咁好啦 '
------