------
差利同巴蘭萊斯沿住樓梯前往頂樓 越往上行 就越聽到一種低沉既聲音 
' Wtf 咩聲黎架 萊斯 你sense吾sense到D野
差利細聲同巴蘭萊斯咁講
' 我都吾知 但係應該吾係超能力 
有兩個逃犯喺頂樓 嗰個雷達友應該喺嗰度.....嗯? 二樓無啦啦多左個能力者 , 去吾去 ? '
差利諗左幾秒點點頭 二人旋即潛入二樓
' 邊間房? 
' 23號 '
巴蘭萊斯同差利行到23號房門口  




差利撬開電子鎖面 露出後備鎖匙孔 再將軟膠灌入鎖芯 輕輕一轉
打開房門後 見到既係訓喺地下奄奄一息既八個工人 
原來頭先聽到既聲音就係D工人既哀嚎
' Emm D逃犯好似無比野佢地食 '
巴蘭萊斯憑住感知行到一個有超能力反應既工廠員工面前 蹲低問佢 
' 喂?  喂?  喂? '
無反應嘅?
巴蘭萊斯喺佢面前左右揮手
個工人一直目光呆滯咁望住天花板 過左廿幾秒先郁左下眼珠
眼尖既差利見到佢郁左下即刻用軟膠撐佢起身 




個工人拎頭望住差利 喃喃道
' 衰 ....衰 '
' 衰? 衰....水? '
差利環視四周 呢間工廠已經斷水斷電三日 
旁邊水壼都係掉轉放既 差利望向窗外落緊既大雨 問
雨水得吾得 ? 
嗰工人無應到 
' 咁我就斟比你架啦 '
講完 差利凝聚一個河葉形既膠兜伸出窗外去裝雨水
雨落得好猛 無隔幾耐就裝滿




差利抬高工人個頭 將雨水喂落佢個口道 
可能係太耐無飲過水 佢竟然伸手搶過兜水 直接灌入口中
' 多...謝 '
等個工人飲完水後稍微恢復左D體力之後
巴蘭萊斯就開始問佢問題
' 將你知既野講比我地聽 '
' 我叫唐文 喺道做左幾年....... '
' 咪住 呢D野吾洗講 '
巴蘭萊斯打斷左唐文
' 講重點 '
唐文呆左下 集中精神諗左諗 , 講
' 佢地第一日黎既時候 我約莫數左下人數 有7 , 80人 佢地將我地關哂喺呢道 
淨喺比左兩日既野食我地 後尾你地斷水斷電 我地連水都無得飲......................... ' 
唐文足足講左十分鐘未停 呢幾日發生既野佢全部講哂出黎
巴蘭萊斯同差利一直專心聽佢講野 雖然硬係覺得有d野吾對路 




但係就好似有種魔力咁吸引二人聽落去
' 係啦 我頭先feel到你有超能力 你個能力係咩 ' 
巴蘭萊斯無意中問左一句
' 矣? 我既能力 ? 我既能力係.....就係其他人要同我傾偰 .......
咦? 我好似無意識咁發動左我既能力添 呀係勒 
你地做緊任務 我仲拖左你地吾少時間  真係對吾住 '
喺唐文停止左佢既能力後 巴蘭萊斯同差利果然無左同佢傾計既欲望
見佢吾係有心 差利二人都吾想追究
' 吾洗咁 我地仲有大把時間 你留喺道休息 一陣好快就會有人救你出黎 '
差利二人走出房間 繼續執行任務
唐文又訓返喺地下 佢望住打開左既房門 
坐左起身.......
------
[咚]
為左避開洪志堅 紋星成個人仆落地翻滾數圈 忍住劇痛想爬返起身 




只要其中一個倒下 另一個就實死無生
Ka君雖然慢洪志堅一拍 不過有把鑽劍在手令洪志堅吾敢輕舉妄動 略有交手都大多係試探 
嗖---
正當以為Ka君仲有時間思考對策既時候 鑽劍逐漸停止左鑽動 
' Fuck 佢加速左時間所以粒電芯都提早用完 '
洪志堅見把鑽劍香左 就停止對紋星既攻擊 轉身攻向Ka君 
[ 鐺!]
Ka君執起頭先放喺地既刀仔 接住哂洪志堅既刀招
眼見傷吾到對手 洪志堅催動能力 再次加速 
[ 撕 ]
一個不慎 Ka君既右手前臂劃開左一道吾淺既痕口
' 咦 呢個傷口好似可以流血流死你喎 '
洪志堅笑道 恃住有優勢 繼續劈向Ka君
' 切 '
Ka君雖然手臂負傷 但係留比洪志堅既破綻亦吾多 




呢個時候 Ka君突然雙腳煞停 反殺向洪志堅 
' 哦 ?! '
洪志堅見嘉欣哥改守為攻 心生疑惑 於是側身退開左數步 令Ka君撲左個空
Ka君失手後並無繼續進攻 而係郁到紋星旁邊
[ 滋 ]
原來頭先Ka君只係故弄玄虛 爭取小小時間 但呢幾秒足夠換黎一線生機 
[ 緊急傷口處理噴霧 ] 噴出既液體覆蓋喺深可見骨既傷口上 
喺表面凝固成一層膜 將血液同肌肉包住 
就好似一隻巨大既吸血蟲吸附喺手臂上面 
只不過呢隻血蟲遇黎遇大 令人擔心會吾會撐到爆 
不過好彩 個血囊漲到半條法國麵包咁大就停左 
' 喂 紋星你起吾起到身 ? '
Ka君問趴喺地下既紋星
' 我好似背脊條骨斷左 '
' 幻覺黎既姐 集中精神 同我快D起身 '




說時遲那時快 洪志堅又攻左過黎 
' 我頂吾到太耐 '
講完 Ka君就陷入苦戰
' 矣? 我要點做先好 '
紋星訓喺地下 吾係佢失去鬥志 而係一郁就痛到好似比十萬支針吉住全身 
' 好痛呀 嗚嗚嗚嗚嗚嗚嗚 '
紋星呢個時候竟然喊左出黎 眼淚不斷流到地下
' 嗚嗚嗚嗚嗚嗚 
" 屌 , 認真咩.... "
正在交戰既洪志堅二人心裡面不約而同咁諗
[ 咔! ]
一分心 Ka君左手手心就比利刃刺穿 鮮血橫飛 
Ka君痛到緊皺眉頭 連忙用噴霧止血 
洪志堅為自己得手漸漸得意之際 先發現喺打鬥中佢擦傷左塊臉
' 唉呀 吾小心比你件垃圾整親添 '
洪志堅摸摸塊臉 感覺無咩大礙 於是催動能力再次進攻 
呢次左手負傷Ka君無能力還擊 
只能走避 眼見Ka君每過一陣都比人劈中一刀 
但係自己又做吾到任何野 紋星騮到係咁磨牙....
錯! 係一邊喊一邊磨牙
' 嗚嗚嗚嗚....點解我乜都做吾到 , 
都係我吾好 我吾應該跟黎嗚嗚嗚嗚嗚 '
旁邊喺到打鬥既二人見到紋星係道喊 心諗 : Jm9喊
Ka君一分心 又比洪志堅劈中
" DLLM我會再吾望嗰邊 "
' 嗚嗚嗚係勒...我要集中精神嗚嗚嗚...但係我要點先集中到嗚嗚嗚嗚...疑? '
紋星瞄到套喺手上既電擊裝置 心諗: 
' 呢舊野應該可以電醒我自己....但係...要電邊道好? 啊! 電屎忽好 屎忽肉多 嘿嘿我真係聰明 '
諗到呢道紋星笑左 
追斬緊Ka君既洪志堅同比人斬既Ka君又忍吾住望向嗰邊 心諗
 "又喊又笑Jm9 "
於是紋星就伸手去屁股道 點知中途隻手卡住左喺條腰道 但無論點用力都拗吾到落去 
' 嗚嗚嗚嗚嗚嗚吾通我D手手腳腳都斷哂? ' 
紋星又喊左 
' 咦? 電吾到下面仲可以電上面架麻 電邊道好呢 啊就電條頸啦 '
於是紋星深呼吸一口氣 將前臂慢慢移到上身 
[ 滋 ]
喺郁動既過程裏面 紋星體內既神經線慢慢壓埋喺一齊 正當紋星將手伸到條頸附近準備電擊既時候 痛覺亦通過斷肢直達大腦 
' 啊!!!!!! '
紋星痛到全身抽搐 下意識緊握拳頭既同時亦撳實左電擊掣
[ 啪 ]
高壓電流係空氣中猛然爆開 !
醒覺到lang野既紋星 即刻想移開隻手可惜 為時已晚 電流直接擊中頭部
紋星眼前一黑 暈低喺地下 
---
' 呢道喺 ? '
紋星Mak開眼 發現自己漂浮喺一個純白既空間 而喺呢個空間外一片灰霧 又或是外層既灰空間包裹住入面紋星所在既空間
喺呢道 紋星感受到一種微妙既喜悅 
' 咁到左灰霧裡面會點 ? ' 
呢個諗法一出現 就揮之不去
紋星擺動四肢 慢慢飄向灰霧 
越接近 紋星就越有一種壓抑感喺心裡面
呢種感覺令到紋星開始頭暈目眩 難以呼吸 外面既灰霧逐漸堆積 就好似夏天烏雲密布左好幾日既天空 紋星因為頭暈睇不清楚眼前既狀況 所以繼續游向灰霧 
灰霧亦越積越厚 甚至形成無數旋渦 不斷扭曲 變形 
最後映照喺紋星面前既形態就係一個約十幾歲既女仔 
個女仔著住一件灰霧形成斗篷 胸口戴住左一個徽章 
' 呢個咪係我自己? '
紋星認出嗰個由灰霧形成既[自己] 
正當佢想伸手摸下既時候 
周圍灰霧突然卷住紋星隻右手 
令佢動彈不得 
' WTF ! ? '
紋星瘋狂掙扎 驚恐中發現自己喺呢個空間裏面其實一啲權力都無 
一直以黎自己都喺停係原地 吾係自己移向灰霧 
而係灰霧既包圍圈逐漸收縮 縮到自己面前 
' 救命呀 '
明知呢道除左自己無其他人 紋星仍然不自覺咁喊左出黎 
灰霧形成既紋星慢慢接近 仲捧起左紋星[自己]塊面......