痴漢聯盟: 21
' 咦 ？原來有人打緊我 ？'
曹景康分流自己既力量
一部分喺周圍張開一層念力屏障
另一部分繼續攻擊差利
間接減輕左差利既壓力
' 終於有支援啦咩..... '
差利心諗
不過情況不容樂觀
數分鐘既狂轟濫炸
已經令到差利筋疲力盡
護盾再生既速度越黎越慢
咁樣落去只有死路一條
---
' 遠程打擊無用？'
Annabelle 呢次終於放低部PS8
專心聽瑪琳同龍子俊匯報
' 咁呀 , 你叫伙記準備強攻 一個鐘內我可能會開始 '
Annabelle吩附道
目前已知敵方有一名電磁脈衝能力者
佔領工廠首日就將一切接近既車輛裝備全部癱瘓
宜家Annabelle就係需要將損失降到最低
' 需要D好橋....要點先對抗電磁脈衝呢？'
Annabelle一邊坐喺辦公椅上自轉 ，一邊思考對策
' 無電子設備既運輸工具......
廿二世紀既車都可以自動駕駛
又點會一個電子零件都無
馬？
仆街一定吾會係馬
啊啊啊我到底諗左D咩 '
Annabelle雖然吾想承認
但佢諗到對抗電磁脈衝既運輸對策就只有馬車
' 算啦 ，問中央電腦 '
Annabelle打開手提電腦 輸入問題
「 佢地有EMP防守 用馬喺咪最好既選項？」
「 吾係 」
中央電腦馬上作出回應
' 呼 '
Annabelle鬆左口氣
佢好慶幸中央電腦有更好既IDEA
「 不過用馬雖然吾係最好既選項 而係最合適既選項 」
中央電腦又打左句
「 咁另一個選項係？」
Annabelle問
「 空降 」
' 噢 ，又係喎 '
Annabelle恍然大悟
的確由二戰開始就大量使用空降兵進行突襲
套用宜家既情況
可以透過運兵機喺高空投放人員
同時又會係喺電磁脈衝既射程外
「 但係我地IIO既職員大多都吾識跳傘 ，
Annabelle
你既決定係無錯既
要對自己有信心 」
中央電腦如此說道
未等Annabelle回應
就自行中斷左對話
' 對自己...有信心？ '
Annabelle歎左口氣
望向窗外既傾盤大雨
' 今日又係個好天 '
' 馬要喺邊道搵呢？'
Annabelle打開香港地圖
港島區的確有一個跑馬場
而且D馬都係萬中挑一
不過
每匹馬身價都係以百萬起跳
死一隻馬對於IIO既經費都係一個沉重既打擊
Annabelle 既目光又移到去一座小島
嗰座小島位於港島南方海外300米處
係由於20年前地殻變動
而多出黎既陸地
小島既出現為香港增加左15%既面積
上面住滿左無名無姓既流浪者 逃犯
裏面不乏超能力者
經過科技人員既研究
可能與長崎 , 廣島既狀況同屬輻射過量
島上幅射量與中環比較多出三倍
僅僅喺可接受量之下
上面吾少既動物亦受到感染
包括被帶到島上既水牛
而Annabelle就正正需要呢種力大無窮 皮糙肉厚既改造動物
' 要對自己有信心 ? 好吖 '
Annabelle 打左通電話去港島跑馬場
' 喂 , 呢度係港島跑馬場 請問有咩需要幫忙既呢？'
接聽既係一個女接待員
' 我係IIO觀唐分部既部長
吾該將電話高駁到你地個Boss度 '
' I..IIO? 你係咪搞緊惡作劇
我勸你吾好扮IIO
呢個係重罪 '
' 我吾係講笑
我有重要野既野搵佢
關乎一千人既性命
請你既刻聯絡你地既負責人
你都見到係2字頭既電話號瑪 '
Annabelle既語氣十分之認真 ，
又或者係特別自信？
竟然真係成功說服左個接待員
無過一陣 就有把男聲傳黎
' 喂 喂 '
' 喂 你好 我係IIO分部部長 '
' 搵我有咩事 '
' 我要即刻徵用40匹馬
我會派人將D馬運到附近既美樂工廠...'
Annabelle未講完
對面既男人就插左句
' 吾好意思 ,
D馬宜家仲喺元朗馬房
恐怕暫時比吾到你 '
' 你吾好扮野 我都係馬迷
你地聽日跑泥地
D馬應該一早入哂馬房 '
' 原本的確係聽日跑
但係咁大雨 要點跑啊小姐 '
' 咁你個場宜家有幾多隻馬 '
' 就算有 我亦都無義務借比你
你地IIO又吾係警察 '
' 呢個關乎一千人既命 '
' 咁又點
我D馬隻隻身嬌肉貴
我知你地IIO想做咩
去救嗰班工廠既爛泥呀嘛
連D馬既命
都矜貴過佢地呀 '
' 既然你知我地要做咩
你都吾幫
真係無人性
我已經錄左音
你等住上頭條 '
' 你以為可以威脅我？
我識得吾少媒體老板 '
' 哼 , 你因住
等呢件事完左
我地IIO會用盡一切手段起你底
年年賺咁多油水肯定走左吾少稅 '
Annabelle想cut線既時候
個男人卻突然妥協
' 咪住 我可以借D馬比你 ，
但係如果有乜損失
IIO要全額賠償 '
' 好 我應承你 ，
你宜家手頭上有幾多隻馬 '
' 17 隻 '
' 多謝你既合作 '
---
雖然成功攞到馬 但係就遠遠吾夠需求
行動至少需要 60匹馬或牛
' 唯一希望就係嗰座新島 ？'
Annabelle喃喃道
又打左通電話
' 喂 Boss 有咩事 '
' 你即刻同我喺島上搵水牛運過黎港島美樂工廠 越多越好 '
' 吓 ，WTF ，Boss 你醉左 ？'
' 我無醉
目前行動需要D牛拉車 '
' 認真咩
我潛伏喺新島兩年係為左將呢度D黑社會清哂
你要我為左搵D牛而去暴露身份？？？'
' 關乎成千人既命 ，所以 吾該哂 '
[ 嘟 ]
Annabelle 斷左線
[ 咔擦 ]
智能手機被佢掟到碎哂
而掟野既係一個成身都紋哂龍既肌肉男
佢就係Annabelle要聯絡既人
' FUCK FUCK FUCK FUCK FUCK '
肌肉男大嗌
忽然拎起周遭既野掟落地
雜誌
水杯
遙控
全部都掟到粉碎
' 我陳智珅當初做咩要做臥底
FUCKFUCKFUCK '
佢心裏面萌生左棄明投暗既諗法
但係一諗到關乎近千人既命
佢瞬暗冷靜左落黎
就好似變左個人咁
佢戴上兜帽
打開門
開始尋牛之旅
佢就係
「 雙面人 」珅哥
---
陳智珅
花名＝ 珅哥
能力＝ 下章揭曉
寶具＝ 下章揭曉
評級＝ S