痴漢聯盟: 23 陳智珅華麗既反擊
島主係一個能夠將土壤化為大理石既能力者
喺呢個滿佈廢墟既世界
可以話係一種天賜
島主7日就完成呢個島上既所有建築
只比造物主差一日
無人會否認島主吾係一個強者
至少18區未完全重建之前
18區軍吾會貿然收復呢座島
鬥獸場因為使用大理石打造
所以散熱效率吾錯
人少既時候啲無衫著既仲會嫌凍
' 九號戰車一野撞爆左三號戰車 ! ! ! '
企喺角鬥場中心高台既主持不斷爆MIC
[ 噢噢噢噢噢!!!!!!!!!.. ]
在座所有觀眾發出巨大歡呼
形成一個巨大聲浪
聽講就連隔海既港島居民都聽得到
' 九號戰車繼續狙擊下一位選手
佢準備用長插爆四號仔.....唉呀!!!!!!
條ON9仔翻車啊
轟呀 仲要比一號轆爆左個頭哈哈哈哈哈哈哈哈哈.....
[ 抵死! 抵死! 抵死! ....]
全場觀眾一同咒罵
' 真係可惜呀九號戰車衛冕失敗
不過~垃圾就係應該死嘅...咦?
呢個咪係老陳!!!! '
個主持係天眼能力者
一眼就見到陳智珅
所有人既注意力都比個主持引到陳智珅身上
' 老陳你吾係一直話呢度好無聊架咩 '
[ 噓...]
震耳欲聾既噓聲從四周傳黎
陳智珅即刻奄住耳仔
佢吾想未出場就聾左
' 喂 ! ! 咁多位 冷靜下 '
陳智珅大嗌 想令D觀眾安靜少少
' 我黎係參加比賽 '
[ 哇噢噢噢噢噢噢噢 ! ! ! ! ]
場內氣氛再次沸騰
[ 必必 ]
主持吹左兩下哨子
終止左宜家既角鬥
' 老陳要上場 ! 買定離手 ! 買定離手 ! '
每個人都紛紛落注
' 咪住 ! '
一個男人大嗌
今次D觀眾真係安靜左落黎
因為此人就係
朱高傑
' 既然老CHAN上場 ,
我都黎玩下 '
[ 哇噢噢噢 ! ! ! ! ]
' 打爆老陳 打爆老陳 '
老虎幫既人廝聲大叫
一聽到朱高傑都要上場
下注聲越演越烈
就連個主持都掟左舊錢落去
嗰疊錢喺空中散開
瞬間形成左一場錢雨
" Shit 仆街啦今次 "
陳智珅心諗
朱高傑既能力係操控動物
呢度簡直係佢主場
' 加油 老C HANNNN~ '
朱高傑拍拍陳智珅個膊頭
隨即跳上石製戰車
上面放左10支石矛同兩條分別控制牛隻既韁繩
無錯 ,
就連戰車都係島主一手打造
石製戰車既外殻非常硬淨
缺點係韌性遠不及木頭
只要受力點有些少偏差
就會似餅乾般易脆
甚至會導致車毀人亡
咁樣就令到成個賽事更加刺激
呢種石種戰車更充分利用左島上既資源
" 基因突變牛 " (島上居民美其名日 : 紅牛 )
亦都只有呢種牛拉得郁呢輛比木製戰車重4倍既戰車
陳智珅亦跳上戰車
靜心等待工作人員為戰車綁上牛隻
喺比賽開始前五分鐘
每隻紅牛都會被注射藥效約7分鐘既鎮靜劑
又即係話
比賽開始兩分鐘後先見真章
[ 哞~ ]
陳智珅既牛隻被拉到戰車前並綁好
呢兩隻紅牛身高一米五幾
身長兩米幾
全身長滿肌肉
充滿暴力既美感
[ 哞！！！！！]
' 嗯？'
陳智珅望向聲源 頓時口啞
' .................. '
發出叫聲既係兩隻兩米幾高
就黎三米長既巨型紅牛
同自己D牛比起
就好似貓同老虎既分別
嗰兩隻巨牛係屬於一個攞住把長遮既人
旁邊既朱高傑見到嗰兩隻巨牛同樣呆左下
佢個兩隻牛都係正常 size
淨係比陳智珅既大小小
' 喲 , 你地做咩吾開遮 '
嗰條友望住朱高傑同陳智珅
' 仲有你個光頭佬
吾遮住個頭小心比雨揼到凍親 '
佢望住陳智珅既光頭說道
' 如果吾係比賽就黎開始
真係想攞把遮扑爆你個光頭 '
自從陳智珅無哂D頭髮後
每個人見到佢個光頭都想一野扑落去
' 我係前SUIO既職員 ，
我地SUIO一直深居簡出 ,
今日係第一次參加呢種比賽呢
請多多賜教 '
個男人除低頂帽行左個禮
露出左成頭金髮
' 嘖 , 俄國佬今日做咩咁好興致 '
朱高傑咪住對眼 不滿道
計埋朱高傑 , 俄佬 , 陳智珅 總共有九名參賽者
規則只有三個
' 跑完第兩個圈之前吾可以主動攻擊 '
' 車未爛之前 吾準落車超過30秒 '
' 同埋吾比用鎗 '
---
' 3 ! '
' 2 ! '
' 1 ! '
' BUUUUUUUUUU～～～～ '
主持一吹雞
[ 咚咚...咚咚...咚咚...]
九架戰車如離弦之箭 猛然向前衝刺
呢條跑道就如同田徑場般
有兩條直道 亦都有兩條彎道
" 就同遙控車一樣
直路最大馬力既車將會擁有優勢
而操控性最好既車道會喺彎道獲得短暫既優勢 "
陳智珅默默咁分析現況
" 既然我經驗吾夠
留喺最後可能係最好既選擇？"
[ 釘釘釘釘 ]
主持響起鈴鐺
代表有戰車已經過左第一個圈
九架戰車都不約而同隔開一段距離
各自觀望形勢
好快第二個圈就咁過去
都係咩都無發生
無碰撞 無衝突
[ 轟隆 ！]
最前既戰車突然加速
兩隻狂牛如猛雅巨象般踏地衝刺
正正就係俄國佬 ！！
" 咁既狀態 , 莫非藥效消除左！！？？
陳智珅諗得無錯
原本跑一個圈需要30秒
大會預計跑到第四個圈
牛隻熱身完成先開始角鬥
俄國佬既巨獸吾單止跑得快
仲因為體型大
消化鎮靜劑都快左
" FUCK 咁樣落去我會GG "
佢望向前面既七號
距離自己有15米
呢個係最後機會
如果自己仲留喺最後
就會比俄佬瞬間秒殺 ！
7號亦都發現左佢既意圖
佢喺車度執起一支石矛
一野掟向陳智珅既紅牛！
[ 吼 ]
陳智珅化身人狼
伸身接住石矛並反擲返去
[ 鏘 ]
石矛同車身碰撞既威力大到甚至連石矛都撞到碎哂
然而呢下並無破壞到7號既戰車
或者係因為戰車後方為一個半球體設計
該處車殻厚度為車側厚度既三倍
咁樣既設計令到馭者減少後方既壓力
能夠專注於前方既戰鬥
不過石矛成功令到嗰架戰車減速
差距縮減到10米！
[ 轟隆 轟隆 ]
後方俄國佬越黎越近
陳智珅亦開始有D緊張
' 哞哞 '
隨著九架戰車都跑過四個圈
鎮靜劑既效果開始完全消散
多隻紅牛開始不受控制 橫沖直撞
曾錦聰嗰兩隻牛雖然外表吾突出
但明顯經過高強度訓練
喺入彎既時候保持穩定
佢亦把握機會
用飛矛將前面既三號選手瞰出車外
成功首殺
[ 噢噢噢噢噢噢噢 ]
就如同二千多年前既羅馬人咁
觀眾瘋狂地慶祝某個人死去
' 喂 , 你地兩個快D出力 '
陳智珅敦促車前既兩隻牛
化身狼人後佢可以同大部份既動物溝通
' 哞哞 哞哞 哞哞哞哞 '
兩隻紅牛亦作出回應
意思係
「 得啦 0n9仔又吾見你黎跑 」
' 一陣間輸左 ，我就食左你地 '
「 得啦得啦 」
比一隻狼人威脅完
果然佢地跑得快左吾少
' 10米 '
' 9米 '
' 7米 '
' 5米 '
陳智珅伸長石矛插住七號既右車轆
[ 咔 ]
個車轆上既石輻瞬間斷裂大半
斷層延伸開外
成個轆轉眼間化為石渣
鋪滿左成片地面
不過七號依然無炒到車
因為只要喺直路
一個轆都可以快到飛起 ！
' 哼 , 前面就快過彎 我睇死你要降速 '
[ SKRRRRRRR ]
' NANI ！！！！？？？'
陳智珅驚呼
因為七號選手剎停右邊隻牛
而左邊就快鞭抽打
形成左個完美既鐘擺
亦即係漂移過彎！！！
漂移過後仲未完
七號裸出把勾索槍 對準前面既一號戰車
猛然射出！！
[ 鏘 ]
勾索拉住七號
甚至可以話係甩左佢過去
[ 嘭 ]
七號借力一腳鋤飛一號
並趁機搶佔左一號既戰車
[ 噢噢噢噢噢噢噢 ! ! ! ! ]
呢個完美既combo贏得左全場既歡呼
陳智珅認出嗰個型號既勾索
" 無錯 , 嗰個係K-100 "
K-100係廿一世紀初澳洲特種部隊研製既戰術拖勾
半個手板既大細就可以拉郁一輪重型坦克
不過故障率高到令人發指
僅三個月就關閉左生產線
如果單憑稀有度
K100可以話係無價之寶
而島上亦都淨係舊政軍先會有咁既裝備
高枱上既主持亦都睇得出嗰七號攞左D乜喺手
' 呢個咪係K100~~~~~~~~~~~~~~~~~ '
佢大嗌
' 今日好人齊喎 連舊政府D人都喺道 '
「 舊政府軍？？！！ 」
群眾聽到後瘋狂起哄
' 我出10萬 同我殺左佢！！ '
' 我出15萬 ！！！ '
呢個島上既人最憎既就係舊政府
其次係SUIO
但礙於舊政府軍既龐大軍備
佢地平時都係口頭上嗡下
宜家就吾同
可以光明正大咁借刀殺人
不過就算比人大肆懸賞
七號反而吾係最緊張嗰個
陳智珅先係
' FUCK FUCK FUCK FUCK FUCK '
化身狼人後
體內酒精揮發得七七八八
更令佢明白到此時此刻既嚴峻
因為佢離前面最近既人有50米！！
' 早知等過左彎再搞死佢 '
陳智珅不斷自責
而俄國佬就喺佢後面不遠處帶領成排車隊過緊黎 ！！
呢個時候
老陳有個大膽既諗法
佢打算掉頭行
與其俄佬從後宰殺
不如主動！
對於戰車
最大既武器就係速度
保持最高速度就係致勝既其中一條秘訣 ！
陳智珅剎停兩隻牛
驅使佢地掉頭行
[ 哞哞哞 哞哞 （ 你痴撚左線呀 ）]
兩隻牛不斷鬧鳩佢
' 信我！！'
陳智珅大吼一聲
將車頭對準俄國佬
開始沖刺
兩隻紅牛雖然吾想死
但天生既異變令到佢地血液中好戰因子更發達
佢地比之前跑得仲更加賣力！！
俄國佬見到陳智珅沖過黎
不過並無轉向
而係卷起把長遮
當成左一支長槍
準備插穿陳智珅既心臟！
20米
18米
16米
14米
12米
8米
4米
[ 哞～ ]
俄佬喺最後一秒突然調整方向
同陳智珅擦肩而過
' Yes 賭啱左 ！'
陳智珅哈哈大笑
佢頭先就係賭個俄佬吾敢同硬碰硬
第一 ：前面就係彎道
彎道本身太難加速
如果真喺炒埋一齊
佢會黎吾切加速
後面咁多個人就會同陳智珅形成左一個夾攻
第二 ：
如果俄佬吾揸住韁繩令兩隻牛避開
就會多出一隻手去攻擊
所以陳智珅一定要逼使佢主動轉彎！
結合以上兩點 , 陳智珅先可以絕地反擊！