大家好,我係Yat~依家係一個F4學生。我平時weekend都好鐘意去遊車河㗎~點解會鐘意去遊車河呢?就係因為唔想宅喺屋企。我覺得宅喺屋企會悶到PK。當我遊慣咗之後,唔遊一個星期就會周身唔自在,嗰種感覺就好似你食煙/吸毒上癮一樣。

我遊車河遊咗8個月左右。一開始係遊啲比較短程嘅路線,當時坐得最多嘅組合係坐106去到總站,之後轉788出返上環,最後再坐115返屋企。去到大約1月左右,就開始轉玩啲比較遠嘅路線。首先我會喺屋企行去紅磡碼頭搭269B去天水圍,然後坐969出銅鑼灣嘅摩頓台,之後行出去維園度坐電車去到中環,落車之後會行去中環碼頭吹陣風。唔知幾時開始覺得喺中環吹風先係最正。吹完之後經IFC行去上環,最後再坐翻115返屋企。

後尾為咗唔比九巴賺錢(115有時會係九巴),所以轉玩咗機場嘅路線。當中嘅改變就係由坐269B轉坐E23A,過海嗰程由969轉坐E11,其餘不變。某個星期五,我如常開始我嘅遊車河之旅...
已有 0 人追稿