我叫黃凱儀,英文係Sindy。今年24歲。我嘅職業係OL。我有一個曾經以為係會陪伴我終生嘅男人。無錯,係曾經。當有個人俾咗條3P嘅片我睇,入面個男主角係嗰個以為係會陪伴我終生嘅男人。我睇完之後成個人崩潰咗。我亦因為依件事而令我成個人消磨咗好耐。

喺依件事發生咗兩個月後嘅某一日,我自己走咗去中環碼頭吹風散心。當我見到有一對情侶喺度互相攬住大家嗰陣,令我諗起嗰個以為係會陪伴我終生嘅男人當初都係咁樣攬住我。諗諗下就控制唔住自己咁樣喊咗。我喊咗好耐,突然feel到有個人拍一拍我膊頭,我望住佢嗰陣佢已經遞咗張紙巾過嚟。話:

「妳值得更好,唔好再為咗啲渣男而喊喇!」佢放低咗張紙巾俾我之後就走咗。我永遠唔會忘記佢個樣,佢個樣有一種說不出的感覺,好似經歷過好多嘢咁。而佢當時嘅衣着係綠色衫配黑色牛仔褲。依次之後,我就再冇見過佢。但我好希望有朝一日可以再見翻佢。過咗3個月,某一個星期五,我因為要返東涌個屋企食飯而入去。喺飯局入面,阿媽不停喺度問:

「你同你個男朋友點呀最近?」

「幾時結婚呀?」





我求奇講話:

「最近公事好忙,冇點搵佢。」阿媽話:

「你唔可以掛住做嘢而唔理佢呀,佢係一個好男仔嚟㗎!」

我聽到佢咁樣評價個渣男,我成餐飯都無胃口繼續食落去。所以食完飯無耐我就搵藉口同我阿媽講要返上環。其實我係諗住坐E11去銅鑼灣再坐電車去中環碼頭吹風,反正喺屋企都冇嘢做,同埋自從嗰次之後都再冇踏足過中環碼頭。於是我就行落去坐E11,開始我今晚嘅散心之旅...
已有 0 人追稿