我地就咁喺巴士站到用咁嘅體位互望咗好耐。我嘅意識亦慢慢返嚟。我喺度諗:

就算個女仔唔介意,但係啲路人見到咁可能以為我會侵犯緊佢㗎喎。

跟住我同個女仔講:

「不如...我地起返身先啦...」

個女仔冇出聲,只係微微點頭。我起身之後伸隻手俾佢,諗住扶佢起身。一開始以為佢唔會接我隻手,估唔到佢會笑住咁接我借手。起身之後佢用一種好似只屬於我嘅笑容同我講:





「唔該曬呀~」

依種笑容我只喺嗰位俾帽我戴嘅前度到見過。我再望一望佢嘅衣著,佢著嘅係普通嘅黑色晚裝裙再配上黑絲襪。雖然俾人一種感覺係好姣,同會貪錢嘅臭雞。但我喺眼中睇嚟佢咁樣着只係想掩飾佢受過傷,就好似我咁。望咗一陣,我就開口問佢:

「其實...妳叫咩名呀?」

佢笑咁話:

「我叫黃凱儀呀,英文名係Sindy~」





黃凱儀,一個帶點平凡嘅名配住一個唔平凡嘅主人。跟住佢問:

「咁你叫咩名呀?」

我微笑咁答:

「我叫Cheng Shing Yat,啲人多數叫我Yat~」

點知Sindy話:





「我想知中文名喎~」頂,從來都冇人問過我中文名㗎喎,加上我本身都唔鐘意同人講我個中文名,所以我話:

「有機會我再同你講啦~」

跟住佢用一種好似細路女問嘢嘅動作咁哄個頭埋嚟問:「點解依家唔講得呀?」

我再哄個頭埋去佢個耳邊到,細細聲咁講:

「講得太多會俾人滅口㗎!」

跟住佢用手攬住我條頸,哄前去我塊面咁講:

「咦,好衰㗎你~」

我話:





「再衰啲都得呀~」

Sindy聽到我咁講之後就有啲失落,跟住佢就即刻轉話題咁話:

「你食咗飯未呀?如果未不如一齊去食啦~」

Sindy講嗰陣又回覆返佢嘅笑容。我諗我頭先咁講可能令佢諗返起一啲傷心嘢先至突然失落。但依家唔係講依個問題住,當一個靚女咁熱情咁邀請你去食飯你唔係唔去呀?我望咗一下周圍,於是問Sindy:

「咁妳有冇話想去食啲咩咁呀?」

Sindy話:

「你話事啦,我食咩都得啊。最重要係睇下同邊個去食~」





我聽到之後個心係喺度暗爽中,我只係喺佢喊得最犀利嘅時候送上張紙巾俾佢咋喎。不過唔緊要啦,最緊要佢依家開心就得喇。言歸正傳,我同返Sindy講:

「不如去返皇室堡嗰邊食呀~」

Sindy同我點頭示好,跟住撓住我隻手行。點解佢啲動作同我家姐咁似嘅?但嗰種感覺喺唔同㗎,依家我有種想成為只屬於依個女人嘅男人嘅感覺。我地行咗大約10mins左右,我地就嚟到皇室堡。我地再行咗一陣之後就決定食味千拉麵。銅鑼灣果然係銅鑼灣,每日都係咁多人。我地等左差唔多20mins先至入到去。入到去之後我同Sindy就開始嗌嘢食,最後我嗌咗個全盛拉麵,而Sindy就嗌咗個豚肉拉麵。等咗一陣我地啲嘢食就上到枱。我地食咗一陣之後,我就問Sindy:

「可摸耳俾妳嗰啲我試下?」

Sindy聽到之後笑咗一笑,話:

「好呀~」

然後佢夾起咗一啖面,同我講:

「呀~~~」





我下意識咁擘大個口。跟住Sindy就放咗啖麵入我個口度,放完之後佢就砸用佢個匙羹畢左一啖湯再喂我飲咗一啖湯。搞掂之後佢笑住咁問:

「好唔好食呀?」

老實講就係普通嘅麵同湯。但係係由Sindy喂我,講真一個女仔肯咁樣喂你,幾難食嘅嘢都會變得好好食。於是我笑住咁答佢:

「好食呀~」

跟住之後成餐飯佢不停露出一種幸福嘅笑容。到我差唔多食完嘅時候,Sindy就同我講:

「可摸耳俾你嗰啲我試下?」

佢嗰種神情有啲似細路女扁嘴咁樣。我見佢咁嘅樣所以就同佢講:





「可以呀~」

因為佢頭先喂咗我,所以我決定今次喂返佢。我夾起一啖麵,同佢講:

「呀~~~」

今次我唔係俾湯佢飲,而係俾我杯凍奶茶佢飲。搞掂之後我微笑住咁問:

「好唔好食呀?」

Sindy再用佢嘅甜美笑容同我講:

「梗係好食啦~」

跟住我哋就係咁互相微笑。坐我地隔離嘅嗰對情侶(女仔)露出咗一種羨慕我地咁sweet嘅眼光。其實我係好享受依種拍拖先會做到嘅動作。食完依餐飯Sindy就問我:

「Yat,你一陣會去邊呀?」

我就搭佢:

「中環碼頭lol~我諗住去嗰度吹下風,我最近都冇點去過中環碼頭喇!」

Sindy有啲激動咁講:

「不如一齊呀,咁啱我都好耐冇去過中環碼頭喇!」

我心諗:

經過頭先餐飯佢都冇咩異常嘢,一齊去都冇壞嘅。

於是我微笑咁答佢:

「Ok呀~」

Sindy跟住問:

「你諗住坐電車去定坐地鐵去呀?」

我話:「嚟港島梗係要坐電車㗎啦~」

Sindy之後話:

「咁好啦,就坐電車去啦!~」

講完就撓住我隻手一齊行去電車站坐電車...
已有 0 人追稿