我地就咁喺巴士站到用咁嘅體位互望咗好耐。我嘅意識亦慢慢返嚟。我喺度諗:

就算我唔介意姐,但係啲路人見到咁會以為侵犯緊我㗎喎。

正當我想嗰陣就比佢搶咗嚟講:

「不如...我地起返身先啦...」

我冇出聲,只係微微點頭。佢起身之後伸隻手俾我,諗住扶我起身。我笑住咁接佢隻手。起身之後我用一種曾經只屬於嗰個渣男嘅笑容同Yat講:





「唔該曬呀~」

講完之後我再望一望佢嘅衣著,佢依舊係綠色衫配黑色牛仔褲。雖然俾人一種感覺只係一個平時隨街可見嘅人,但我喺眼中睇,佢着依套衫彷彿好似經歷過好多事咁,亦曾經受過傷,就好似我咁。望咗一陣,佢就主動開口問我:

「其實...妳叫咩名呀?」

我聽到之後好自然咁笑住話:

「我叫黃凱儀呀,英文名係Sindy~」





。跟住到我問:

「咁你叫咩名呀?」

佢微笑咁答:

「我叫Cheng Shing Yat,啲人多數叫我Yat~」

我諗:





我問過咁多人得佢只會講英文全名。

於是我好好奇咁問:

「我想知中文全名喎~」

跟住Yat話:

「有機會我再同你講啦~」

聽到之後,跟住佢我用一種好似細路女問嘢嘅動作咁哄個頭埋去問:

「點解唔講呀?」

而Yat就哄個頭埋去我個耳邊到,細細聲咁講:





「講得多會俾人滅口㗎!」

跟住我用手攬住佢條頸,哄前去佢塊面咁講:

「咦,好衰㗎你~」

我話:

「再衰啲都得呀~」

我聽到佢咁講之後就有啲失落,想當初嗰個渣男又係咁樣同我講。突然,我覺得有啲肚餓。而且為咗令Yat唔好知道我諗起啲傷心事,跟住得就即刻轉話題咁話:

「你食咗飯未呀?如果未不如一齊去食啦~」





我講嗰陣又回復返我嘅笑容,費時佢發現我諗返啲傷心嘢。我見Yat望咗一下周圍,跟住就問我:

「咁妳有冇話想去食啲咩咁呀?」

我話:

「你話事啦,我食咩都得啊。最重要係睇下同邊個去食~」

唔知點解依家我只想屬於眼前嘅依個人,哪怕佢細過。Yat同返我講:

「不如去返皇室堡嗰邊食呀~」

我同佢點頭示好,跟住我就撓住佢隻手行,我好想成為屬於佢嘅女人嘅意欲越嚟越強。我撓住佢隻手行咗大約10mins左右,我地就嚟到皇室堡。我地行咗一陣之後就決定食味千拉麵。銅鑼灣果然係銅鑼灣,每日都係咁多人。我地等左差唔多20mins先至入到去。入到去之後我同Yat就開始嗌嘢食,最後我嗌咗個豚肉拉麵,而Yat就嗌咗個全盛拉麵。等咗一陣,我地啲嘢食就上到枱。我地食咗一陣之後,Yat就突然問我:

「可摸耳俾妳嗰啲我試下?」





我聽到之後笑咗一笑,話:

「好呀~」

然後我夾起咗一啖面,同佢講:

「呀~~~」

佢擘大個口。跟住我就放咗啖麵入Yat個口度,放完之後我就再用我個匙羹畢左一啖湯再喂咗Yat飲咗一啖湯。搞掂之後我笑住咁問:

「好唔好食呀?」

跟住Yat笑住咁答我:





「好食呀~」

佢嗰種眼神同表情搞到好似就嚟溶咗我咁,跟住之後我成餐飯不停露出一種幸福嘅笑容。當Yat差唔多食完嘅時候,我就同就Yat講:

「可摸耳俾你嗰啲我試下?」

我擺出咗一種有啲似細路女扁嘴嘅神情,跟住佢同我講話:

「可以呀~」

之後佢夾起一啖麵,同我講:

「呀~~~」

今次佢唔係俾湯我飲,而係俾咗佢杯凍奶茶我飲。搞掂之後佢微笑住咁問我:

「好唔好食呀?」

我再用佢嘅甜美笑容同佢講:

「梗係好食啦~」

跟住我哋就係咁互相微笑。坐我地隔離嘅嗰對情侶(男仔)露出咗一種羨慕我地咁sweet嘅眼光。其實我享受依種拍拖先會做到嘅動作。我見同Yat嘅進展咁順利,所以食完依餐飯我就問佢:

「Yat,你一陣會去邊呀?」

佢就搭我:

「中環碼頭lol~我諗住去嗰度吹下風,我最近都冇點去過中環碼頭喇!」

我聽到之後其實好興奮,所以有啲激動咁講:

「不如一齊呀,咁啱我都好耐冇去過中環碼頭喇!」

跟住Yat微笑咁答我:

「Ok呀~」

我跟住問佢:

「你諗住坐電車去定坐地鐵去呀?」

佢話:

「嚟港島梗係要坐電車㗎啦~」

我之後話:

「咁好啦,就坐電車去啦!~」

講完之後我繼續撓住Yat隻手一齊行去電車站坐電車...
已有 0 人追稿