我同Sindy行咗去怡和街度坐電車。行嘅時候發現有好多妒忌嘅目光,我個心其實係度暗爽緊。可惜Sindy唔係我條女。去到電車站,Sindy主動打開話題,

問:「係呢Yat,其實你係住邊㗎?」

我答:「土瓜灣。」

佢諗咗一陣,之後哄埋嚟

問:「你住嗰個位近唔近碼頭㗎?」





我答:「就住喺碼頭上面嘅私人樓。」

跟住Sindy笑住咁話:「係咩?我住嗰度有直車去你嗰度wor~」

Nani!唔通佢住上環?

跟住我問:「妳...住上環?」

之後佢哄到去我個咀邊,大概得返1cm嘅距離甜笑咁講





:「你真係勁,咁到俾你估到~」

喂Sindy你下下都哄咁近我就嚟忍唔住想咀落去㗎啦。Sindy講完之後咁啱嚟咗㗎電車,Sindy就放開手唔攬我,變做拖我,拖住我上電車。唔知點解今日好少人坐電車。明明逢親星期五就好多人坐。我地上咗電車上層,搵咗個雙人位坐底。坐底之後我地繼續傾計,主要都係問下大家嘅年紀、職業同興趣嗰啲。同完Sindy傾過之後,先知原來佢喺係中環嘅某大型公司返工,仲自己搬咗出嚟住添。但係問到點解要自己搬出嚟住嗰陣,佢又唔講點解。我地傾到去修頓球場嗰陣,Sindy佢挨咗落我個膊頭度,

話:「唔知點解同你一齊好舒服,好有安全感。」

我由得佢挨住我,等佢抒下情。過咗陣就到咗中環,我叫咗一叫Sindy,

同佢講:「我地已經到咗中環,要落車喇。」





我地落車之後就向中環碼頭行去。今次Sindy冇再撓住我行,亦冇出聲,我地係各行各嘅。去到IFC嗰陣,Sindy開始越行越快,跟住仲跑埋添。我唯有追住佢啦。一追就追到去10號碼頭。去到之後,Sindy停底咗,我衝上前去睇下佢。發現佢喺度喊緊,我即刻攬住佢,跟住Sindy喊住咁講

:「你唔好離開我啦,依家得你先可以俾到安全感我咋嗚嗚嗚嗚嗚......」

我話

:「好,我依世都唔會離開妳!」講完我就咀咗Sindy......
已有 0 人追稿