我去到上環,落咗車。果然日頭嘅上環都係吸引人。我行咗去側邊嘅海邊,我好似見到一個熟悉嘅身影,黑色晚裝裙再配上黑絲襪。嗰個咪Sindy?我大叫咗佢一聲。佢望咗過嚟,跟住我行埋去。佢今次冇走開,佢用繼續用翻佢獨有嘅笑容同我講野

:「Hi Yat,尋晚瞓得好嘛?」

佢用呢種笑容講野先係最致命,因為佢依家個樣就好似當尋晚乜事都冇發生過咁。我好想回應佢,但我唔知點解突然乜都講唔到。於是Sindy就話

:「係咪因為尋晚嘅事而難過呀?」

我輕輕點頭,跟住佢講





:「我唔知點解尋晚會當咗你係我嘅Ex,係我最愛,亦係傷得我最深嘅人,所以我先咀咗你。但係我咀完你先發現,嗰種感覺同佢係完全唔同,你係第一個令我喺打茄輪已經feel到會俾到安全感我嘅人。」

佢好平靜咁講,但我已經輕輕咁喊緊。我攬住佢,講

:「你唔好離開我呀...」

佢尋晚所講嘅野變咗我今日所講嘅野。Sindy話

:「好喇唔好喊喇,等我呵返先啦~」





最後大家一齊咗,雖然未搞野,但佢已經成為咗我真正意義上嘅女朋友。佢仲話可以叫我搬去佢到住添,但我突然諗起一個人—家姐
已有 0 人追稿