點算呢,如果家姐知道咗我有新女朋友佢一定會好傷心...呢個時間,Sindy拎起咗我部電話,打開IG,喺簡介嗰度tag咗佢之餘,仲要用我部電話強行同佢自拍咗一張然後po上story。今次大鑊鳥,今晚翻去家姐一定會知道我識咗個新女朋友,以後點面對佢好呢。我「唉」咗一聲,跟住打開咗我包雙黑,諗住食枝。Sindy搶咗我包煙,跟住話

:「食煙唔預我?我嬲嬲呀,哼~」

我哄埋去,同佢講

:「煙有咩好食姐,食我仲好啦」

Sindy話





:「唔好咁快搞野啦,成日都諗住搞野」

跟住佢拎咗兩枝雙黑,一枝俾咗我,俾咗我之後就拎咗個火機出嚟俾我,話

:「BB幫我點火吖!」

我用佢個火機點咗我枝煙,跟住再好似「春嬌與志明」套戲咁,用我枝煙幫佢點翻火轉頭。喺呢次食煙入面,我地冇所不談,我亦都喺入面了解咗佢好多野,例如佢嘅興趣,原來佢係鐘意Sailor Moon,果然每個女仔都係有一個「粉紅色嘅心」同「粉紅色嘅世界」。除咗呢樣,我亦了解多咗佢嘅身世,原本佢屋企都小富貴,假假地都有翻幾層樓揸手。Sindy仲話可以養翻我轉頭添,呢樣真係唔好啦,我想努力呀。但當傾到大家嘅情史嗰陣,Sindy係避而不談,睇嚟佢個Ex真係傷得佢好深。食完煙,我提議去食餐飯。但Sindy話

:「我咪你嘅早午晚餐lol」





我未回過神嚟已經俾佢拉走咗。行過咗個天橋,我俾佢帶咗去對面嘅嘉安大廈,即係Sindy嘅屋企。
已有 0 人追稿