「黃泉之下係地獄,地獄主要分兩種。審判地獄同懲罰地獄,顧名思義先係審判地獄接受十殿閻羅嘅審判再去懲罰地獄受刑。」

說罷,羅俊傑和我跳進黃泉,羅俊傑手一揚,兩個氣泡將我們各自包裹著,緩緩下沉,在氣泡內呼吸自如,沒有因在水內而不能呼吸,以及沒有水壓等問題。

在下沉往地獄時,羅俊傑向我解釋,之所以入黃泉,因為黃泉會化解我們的所有「緣」,真真正正與人世分離。

通過黃泉,下方是一座座古城,不過卻充滿火焰,地獄之火永遠不會熄滅⋯⋯

「依到一座座城就係唔同嘅審判地獄。正南方嘅係由楚江王所掌管嘅「等活地獄」,專門審判同欺佔拐騙、傷人肢體同奸盜殺生有關嘅案件。」



「東南方嘅就係由宋帝王所掌管嘅「黑繩大地獄」,專門審忤逆尊長、背信棄義同教唆興訟。跟住係東方五官王嘅「眾合地獄」專審瞞稅不繳、耍賴欠租同交易欺詐。」

「跟住係東北方由閻羅王掌管嘅「叫喚大地獄」,專門審不信因果、阻人行善同誹僧謗道,另外枉死嘅人亦都會送嚟依到比閻羅做定奪,可能直接輪迴,可能做引路人,或者亦都有可能重回人世。」

「而正北方有「大叫喚大地獄」由卞城王掌管,專審怨天尤人、對天溺便同不敬神佛嘅案。西北方就有「焦熱大地獄」由泰山王掌管,專審取屍骸做藥、離散他人至親同搬弄是非。正西方嘅「大焦熱大地獄」由都市王掌管,專審不考嘅案。最後係西南方嘅「無間大地獄」專審殺人放火、強姦依種重犯嘅案。」

「而每一個殿都會有一條路通向底下嘅十八層地獄,亦即係為人所熟悉,果啲拔舌啊、刀山啊咁果啲,同時亦即係懲罰地獄。而無間大地獄就無路通去十八層,只有一條路通向正中央嘅孤獨地獄,最恐怖嘅懲罰,刑期極長,無止境咁受苦。」

「吓,自己孤獨一個會辛苦過比刀插、比火燒?」



「孤獨地獄並唔係指你自己一個,孤獨地獄之所以叫孤獨地獄因為入面乜都無。」

「吓!又話入去受罰?又乜都無?」

「因為孤獨地獄嘅懲罰就係,化作死物嘅意識,姐係當你扭毛巾嘅時候,正常佢唔會痛,但實際上條毛巾係有意識,你扭緊嘅係孤獨地獄入面嘅罪犯。但理所當然,除咗痛楚其他任何意識都唔會傳遞,如果唔係有時就會係一種享受。」

雖然只有一瞬間,但我看到羅俊傑淫笑了一下。還是不要質問他想甚麼好了。

就這樣,羅俊傑一邊向我解釋一邊帶我遊走了審判地獄一趟,他說懲罰地獄實在太恐怖,而且那邊不是引路人的工作範圍,那裡的工作都交給地獄鬼,所以不看也行。



既然如此,那還是遠離那裡比較好,只是聽,我也覺得很恐怖⋯⋯幸虧我當上了引路人。

來回地獄後當然要折返人間,我並不是搞笑我是認真的,走了地獄一趟後,我們重新找回黃判官,他給了我一部手機,說這手機是我的身份證明,亦即身份證。

至於身為引路人的守則、能力、職責也記錄在手機內,他叮囑我有空就把他們都看了便行,至於為了令我更快上手,我第一次的工作就跟隨著羅俊傑一起完成,其後再真正自己為亡魂引路。

於是我回來了,人間⋯⋯開始我的第一份工作⋯⋯認真,不就是引路而己,我也被引過了啊,還需要上手嗎⋯⋯

「等等!嚟個咩嚟咖!」

我在研究這部新的手機時,意外發現,竟然有一個按鈕是寫著戰鬥模式。

「哦!戰鬥模式囉咪。我地引路人都會有敵人咖,你地叫做厲鬼,我地行內叫陰魂,佢地會以亡魂做食糧增強自己實力,絕對係我地嘅敵人。」

看來這份新工作沒想像中容易,順利啊,哎,難搞了⋯⋯
已有 0 人追稿