第四章 族比之事

當蘇裕趕到族堂時,發現有很多人已經到達了。

「咳咳…,相信各蘇族子弟應該知道,係今年會有一個族比之事,所有年齡介乎十三至十六歲嘅蘇族人都要參與。係族比當中,最後排名就係代表住你未來相應嘅修煉資源。順道一提,今年新增左一個褔利,就係排名係頭三名嘅蘇族子弟可以代表蘇族參與今次嘅狩獵大賽!」蘇大長老在台上宣佈。

說畢,眾人的目光紛紛望向蘇君兒及另外二人身上,皆認為頭三名將會在他們之間產生。而另外二人分別是蘇煌,玄力七階,以及蘇寧,玄力七階。他們三人皆是族中重點培養的人,今次的狩獵大賽很大可能就是由他們三人出賽。

「咁呢個族比,就會係兩個月後舉行,再過一個月,就係我地玄陽城的狩獵大賽。祝各位子弟兩個月後更有所進步!」蘇大長老轉身離去。



「兩個月後…我要去呢個狩獵大賽!」蘇裕輕聲對自己說。

「咩話?你要去?哈哈!真係天大嘅笑話吖!你諗住打贏我地邊個吖,一係我地手下留情啲?但就算手下留情,結果都係一樣,只係你會輸!」蘇煌在蘇裕旁經過,恥笑道。

蘇煌在蘇族中恃著自己實力比其他人高強而囂張跋扈,不少蘇族子弟都被他「教導」過。蘇煌的囂張跋扈使不少蘇族長老都視為頭痛,但又沒有同齡人能壓制他的火焰,即使是蘇君兒和蘇寧,都是跟他持平,還微微落了下風,看來,今次族比的第一,應該是蘇煌,也難怪他口氣如此大。

「蘇煌,唔好咁喇,話曬蘇裕表弟都曾經係個天才,咁樣講佢,只怕心唔太好受咋。」蘇燦站在蘇煌旁冷笑道。

蘇燦是上一屆蘇族族比的第一,年齡比蘇煌蘇裕都大上一些,自然有着一些前輩的口吻,而且跟蘇煌是親兄弟,也自然偏幫蘇煌諷刺蘇裕。



蘇裕亦未想逞那一時口舌之爭,轉身便離去了。

蘇裕按着原路返回,打算回到自己的房間鍛鍊一下精神力的運用,嘗試打開木牌。
已有 0 人追稿