第十七章 小炎

「我用嗰修煉之地嘅位置同你交換佢。」蘇裕指指懷中的小嘯炎虎妹妹。

「你肯定?」嘯炎虎問道。

「肯定,我要佢!」蘇裕確定地說。

「好吧!」嘯炎虎像看白痴的眼神看着蘇裕。說畢,嘯炎虎便帶着牠那引以為傲的大女兒離去了。



小嘯炎虎妹妹咬了蘇裕一口,蘇裕的手隨即流血,嚇得蘇裕縮了一縮。

「小子,睇黎佢幾鍾意你吖,竟然同你契約左,不過都唔知點解你會咁衝動,為左佢捨棄原屬你嘅造化。」塵老慢慢走近蘇裕,並抱起小嘯炎虎左看右看。

「唔知吖,我係有心軟到,不過我嘅直覺話我知要救佢。」蘇裕摸摸頭,不好意思道,他又豈不知放棄那修煉之地是多大的損失呢。

突然,蘇裕留意到塵老突然露出震驚的神情,連忙問道「做咩吖?」

「佢…佢…佢竟然係聖虎之軀!」塵老失聲道。



「聖虎之軀?」蘇裕疑惑問道。

「你個小子,果然係個幸運之人,你睇下呢度。」塵老撥開小嘯炎虎的頭頂,只見隱隱有着金紅色的毛髮「好彩頭先隻嘯炎虎走得快咋,如果比佢知道呢隻小朋友係聖虎之軀,佢不惜一切都會帶番走佢。」

蘇裕把小嘯炎虎重新抱在懷裏「不如就叫你小炎喇!」

小炎看來蠻喜歡這個名字,舔了舔蘇裕的手臂。

「好喇,係時候去搵個山洞抖抖,聽日繼續去修煉喇,正好可以順道訓練下小炎。」塵老開口道。



蘇裕抱着小炎,而塵老則回到木牌裏。

太陽快要下完山,即將迎接蘇裕的是漫長的黑夜。

過了約十多分數後,蘇裕成功帶着小炎爬到一個瀑布後的山洞,就像是《西遊記》裏,孫悟空在花果山的水簾洞似的。

「都唔知呢隻小朋友食咩呢?」塵老從木牌裏出來「我睇過咁多本書,我都未見過剛出生嘅嘯炎虎係食咩…」

「我都唔知吖,聽日帶佢去山上轉個圈,等佢自己睇下想食咩喇,我依家身上都唔知有咩啱佢食。」蘇裕邊從空間戒指中拿出裝獸晶的袋子邊道。

「係時候黎數數今個星期嘅收獲喇!」蘇裕說畢,隨即倒出袋子裏的獸晶。

當第一顆獸晶接觸到地面時,伏在地上快將睡着的小炎隨即彈起,衝到蘇裕旁把那些獸晶吞進肚裏。蘇裕見狀,馬上把未倒出袋子的獸晶截停。

「又會好食唔食,走去食獸晶嘅…」蘇裕無奈喃喃道。



塵老見狀,在旁邊笑着「睇黎小子你以後唔洗愁唔夠位擺獸晶喇,仲有吖,落山前你嘅任務就係,每日獵殺足夠嘅玄獸,裏面嘅獸晶比曬小炎,小炎飽先準抖吖!」

「唔係吖嘛!」蘇裕聽到,隨即露出一個裝苦的模樣。

突然,蘇裕按着頭,在地上打滾,看來他的頭十分的痛。
已有 0 人追稿