第十八章 新屬性?

塵老完全嚇壞了,看着痛得在地上打滾的蘇裕,以他豐富的閱歷,也不知道他究竟發生了什麽事,所以只能在旁焦急地看着。

先不說以蘇裕十分對塵老口味,蘇裕是那老傢伙親自指名要的徒弟,即使他們沒有見過面,沒有感情,但蘇裕有着什麽三長兩短,那老傢伙出來後,肯定大發雷霆。

小炎也似乎知道牠的新主人有事,也焦急的在蘇裕旁走來走去。

過了大約一、兩分鐘左右,蘇裕漸漸感到沒有那麽痛,他緩緩睜開眼,看着身旁正在為他焦急的一人一虎,朝他們咧開嘴笑了笑。



「仲笑,嚇死我地喇!頭先你究竟咩事吖?」塵老反了反白眼。

「我都唔知,我覺得好似有啲野要係個腦度爆出黎咁,好痛。而家你問我有冇咩野特別或者唔同左…」蘇裕停了一停,再道「就係好似有個新嘅領域出現左個腦海度咁,入面仲有個泉水咁嘅野添。」

「新嘅領域?」塵老喃喃道,他隨即從空間戒指拿出一本看似古老的書籍翻了翻。

「咩黎㗎?」蘇裕嘗試探頭看看,但一無所獲。

「呢本係「空間屬性錄」,空間屬性係一個極少數人先至擁有嘅屬性,呢啲空間戒指都係佢地整出黎嘅,如果你話新嘅領域,除左空間屬性之外,我真係諗唔到仲有咩有可能…」塵老繼續細閱着那本書,沒有再說話。



「收?」蘇裕按着一塊小石頭小聲道,小石頭竟然應聲消失在原地。

「咦?竟然會入左黎嘅?死物得,咁唔知生物得唔得呢?」蘇裕一邊說一邊朝小炎走去。原來剛才那塊小石頭被蘇裕收到他腦海中的「領域」裏了。

「唔好挽住喇,你個頭有咩事你唔想知㗎咩,因住下一秒你變傻仔吖!」塵老依舊看着那本書,蘇裕聞道立刻跑到塵老旁邊「點吖?係好係壞吖?」

「好就一定係好嘅,你個小子,真係真係天佑之人吖,呢四個字自從見到你之後好似成日講咁。不過呢個唔係重點,書上面寫,修煉空間屬性嘅人少之極少,而且都係有其他屬性嘅,所以係玄氣大陸上面修煉空間屬性嘅玄技係極少嘅,就算係我都未見過一本。而且歷史上記載住,有一個人,佢曾經係呢片大陸嘅王,佢同你幾乎一樣,又係煉丹師又有空間屬性,但唔知發生左咩事,呢個輝煌嘅朝代突然敗落左落黎。」塵老像說故事般講述。

「咁其實…空間屬性係廢㗎?」蘇裕帶着古怪的神情問道。



「你呢句野講出去,一定有好多人笑你,頭先咪講過,我地戴住呢啲空間戒指全部都係由空間屬性嘅人打造嘅,呢啲野幾貴你都知㗎喇。所以話,玄氣大陸上面,煉丹師嘅價值高,但係空間屬性嘅價值係比煉丹師高成好幾倍㗎!你呢個小子,真係唔識貨吖!」塵老被蘇裕這番話逗笑了。

「咁但係,空間屬性嘅人係咪都係會有個「領域」係佢地嘅腦海裏面?」蘇裕面帶正色問道,他們還沒有搞懂那東西究竟是什麽,難保它是不是個潛伏危機,有朝一日會突然爆發傷及蘇裕。

「對於呢樣野,書上無任何野提及到,不過見你可以收走到啲野,根據我咁多年係玄氣大陸遊走,我有個大膽嘅猜測…」塵老合上書本,面帶認真之色向蘇裕道。

不難看出塵老即將說出的話會有多震撼,即使是讓那在玄氣大陸的強者聽見也會是很震驚。
已有 0 人追稿