第十九章 果真天佑之人

「如果無估錯,應該係一個隨身空間,只有你可以打開嘅隨身空間!」塵老說。

「隨身空間?」蘇裕見識還少,不解問道。

「呢個你唔識,我唔怪你。隨身空間,只有嗰啲大陸上嘅超級強者先會知,當年我嘅師父亦曾經向我提及過,可以擁有空間屬性嘅人已經少,而可以開拓到隨身空間嘅人係更少,不足有空間屬性嘅人嘅一成吖!真係天佑之人吖!」塵老面帶羨色道。

「想證實呢個係咪真係隨身空間…你試下將小炎收入去吖。」塵老把小炎抱到蘇裕面前。



「收!」小炎應聲消失了。

「邊度黎㗎?」小炎在蘇裕的隨身空間裏四處看。

「小炎點解識講野嘅?」蘇裕問塵老。

「哈哈,呢個唔係講野,只係因為佢同你契約左,所以你地之間可以直接用心神黎溝通。」塵老笑着說。

突然,在蘇裕隨身空間裏的小炎突然向空間內的泉水跑去,並不停地喝裏面的水。蘇裕走到泉水旁,裝了一瓶泉水再走出隨身空間。



「睇黎真係隨身空間喎,嘖嘖,天佑之人吖!咦?呢樽咩黎㗎?」塵老留意到蘇裕手上拿着一瓶水,但直覺告訴塵老這不是水。

「小炎入到去入面好鍾意啲泉水,佢不停咁係度飲…」蘇裕把那瓶水遞給塵老。

塵老左看右看,也看不出什麽異樣,決定把心一橫,喝下一滴。塵老發現那滴水是甜甜的「以我推斷,呢個好大可能就係玄靈水,不過是低級的。」

「玄靈水!」蘇裕驚喜地說道,就算是多笨的人,也知道玄靈水的功效及好用之處。

玄靈水,分為低中高級,不過不論是低中高級也好,功用也是能加速修煉,是任何人也渴求的寶物,低級有用的是在玄力一至十階和玄氣境的人,中級則是玄丹境,高級則是造化三境的人。當然,再上去就是那些大陸上比較上的強者,如果這些寶物對他們有用,他們還用着修煉麽?天天坐在家裏喝就好了!



「你呢個小子…我真係唔知講咩好,天!佑!之!人!」似是塵老今天從蘇裕那受到的打擊太多,他回到了木牌裏了。

「不過,我身上有咁多奇奇怪怪嘅野,比其他人知道就好容易出事,係時候增強我嘅實力喇。火龍訣第二重,我黎喇!」蘇裕自發奮勇道。

蘇裕盤坐在地,重新看了一次第二重要打通的經脉,免生意外。是次要打通十二條經脉,雖然只是相差兩條,但蘇裕估計要約兩至三日才能打通全部十二條經脉,比上次難多了。

「好!你隻老野,眼光真係有夠毒辣,唔止身懷各寶,係天佑之人,仲會知道自己嘅處境,識得去主動修煉,睇黎你呢幾十年黎,冇白活,呢個徒弟,比廖菁更強更有潛質!呢一刻,我真係懷疑緊究境佢係咪真係一個蘇族之人咁簡單…」塵老在木牌中自語道。
已有 0 人追稿