第二十八章 晉級

「塵老,我有感覺,係今日㗎喇。」蘇裕邊走邊向木牌中的塵老說。

「唔洗咁急喎,你嘅實力只係濟留左差唔多一個半月咋,你真係估晉級係咁易嘅事咩?」塵老笑笑說了一句。

突然,蘇裕像呆了一旁停在路上,下一刻,他馬上打坐在地。

「唔係吖嘛…真係行行下路都可以晉級…」塵老從木牌中出來,失笑道。



天地玄氣全向地上打坐的少年衝去,少年卻像毫無知覺一樣,將盡數玄氣吸進體內。

「小炎!快為你主人護法!」聞聲,小炎立即走到一棵大樹後,進入戰鬥狀態,不讓任何人進入。

天地玄氣仍舊向着少年衝去,但明顯地,天地玄氣漸漸在減弱。

過了約七、八分鐘,少年周圍的玄氣波動比起先前淡薄了不少,看樣子,是快要完了。

過了一會,少年睜開雙眼,上次晉級的氣勢再度出現,然而當他在眨一下眼後,那氣勢再度消散。



敏銳如塵老,又怎會留意不到這件事呢?

「咁似上次嗰個神秘男子嘅氣勢嘅?」塵老喃喃道。

蘇裕站起來,伸展了一下四肢。

「係時候落山喇…」蘇裕望向蘇族的方向道。





「趁住依家,距離個狩獵大賽仲有一個星期左右,你要唔要試下學煉丹?」回到房間,塵老笑笑道,蘇裕隨即狂點頭,看來他對踏入煉丹師的渴求真的很大。

「哈哈,依家我會將一段丹方輸入你腦中,慢慢接受,不必過急㗎。」塵老隨即用精神之力輸出一段丹方給蘇裕。

蘇裕接受到丹方後,反而沒什麼問題,只是呆了一下消化下後,便回復正常了。

「回氣丹,咪之前我用嗰隻?」蘇裕喃喃道。

「無錯,呢款丹好有用,尤其係依家嘅你,玄氣儲存仍然較少,同埋呢款丹算係比較容易煉製,當你煉製到之時,你就可以稱為一個初級煉丹師。比啲時間自己喇,煉丹唔容易㗎,係煉丹呢一方面,失敗機率好大㗎,慢慢黎喇。」塵老語重心長地道。

煉丹師,劃分為初中高皇玄神級,到了皇級級後,會再細分為低中高階。但是,每晉一級或階是十分難的,比方說,在蘇裕現在這個玄陽鎮,初級煉丹師比較常見,但到了中級煉丹師,已經是價值連城了,因為很多人一生的煉丹生涯就是停留在了低級煉丹師的位置。

「好彩呢度啲材料,我係山上面都遇見唔少,應該夠我消耗掛。」蘇裕看一看空間戒指輕歎道。

「提你一句,你隨身空間裏面啲玄靈水,如果係煉丹嘅時候加入,可以提高成功率同埋令完成品更完美。」塵老適當時開口道。



「依家我會煉製一次,你自己細心啲睇喇。」塵老邊說邊從空間戒指中拿出所需材料。

塵老手心跑出了一個小火苗,但卻不是紅色的,而是藍藍的。

「我呢個火係靈火,一次機緣巧合下,係一個海底深處發現嘅,當時為左收服佢,我不知費左多少力氣。」塵老就像是知道蘇裕心中疑惑,開口道。

火,除了修煉者最普通的正常火外,還有高級些的獸火,比獸火強橫更多的靈火,到了靈火,它們已經衍生了靈智,懂得選擇主人。而最高級的,莫過於是天地之火了。天地之火,是整片玄氣大陸最珍稀的火,沒有人知道關於天地之火的任何事,但卻無人質疑其真假。

「煉製呢款回氣丹,一共有三款草藥,將呢三款完全提煉曬啲精華出黎之後,就先裝好佢。如今你雖然未有能力去保存啲藥力,但你有隨身空間,直接擺入去就可以㗎喇,講到呢點,真係好羨慕你…啲藥力保存得愈好,煉丹嘅成功率同埋完美度都會愈高。」塵老一邊向蘇裕解說,一邊提煉着三款草藥,就這麽說話的期間,塵老已經提煉好了三款草藥。

「然後,就係是時候,將三款草藥嘅精華融合埋一齊,呢個步驟需要十分專注,因為你要將啲精華完全融合,有啲咩錯,成粒丹就會毀壞左…」又是這麽一段站期間,塵老又完成了這個步驟。

「融合好之後,就係凝丹,呢一個步驟係最容易失敗嘅。」塵老控制着掌心上虛浮的液體形成一個丹形。



「凝!」塵老低喝一聲,一顆丹藥形成了。

塵老將丹藥交給蘇裕,那顆丹藥通體翠綠,而且沒有瑕疵,一看就知道是上品。

「到你喇…」
已有 0 人追稿