第四十七章 升級

「頭先發生咩事吖?」塵老擔憂問道。

「我都唔太清楚,但我個隨身空間好似大左。」蘇裕撓撓頭道,他也不知道原因。

「莫非係所謂嘅隨身空間升級?」塵老想了想,道。

「隨身空間升級?」蘇裕顯然也是第一次聽見這個名詞。



「應該你係頭先收左嘅草藥蘊藏左好多玄氣,所以就令到你嘅隨身空間順便升級埋,不過一定係件好事!」塵老笑笑道。

蘇裕看了眼自己的隨身空間,淼淼和小炎都在剛收來的草藥山上睡着,十分寫意。而再看了眼玄靈水泉,蘇裕總是覺得有什麽不同了的感覺,但又發現不了,只好退出了隨身空間,繼續尋寶。

塵老回到了木牌裏繼續休息,蘇裕則又拿出淼淼來帶路。



蘇裕走着走着,開始漸漸看到前方不遠處有一個涼亭。



走到了涼亭所在處,蘇裕卻沒有發現任何東西。當他打算離開涼亭時,卻不料有把聲音從蘇裕腦海傳出。

「小友與吾看似有緣,未知小友能否留步?」

這把聲音對蘇裕來說,是十分不熟悉的,看似是不相識的,但蘇裕仍停下了腳步。

「小友蘇裕,未知高人留下蘇裕有何用?」蘇裕警惕問道。

「呵呵,小友唔洗緊張喎,我只係喺你身上聞到一股我頗為熟悉嘅氣息啫。」那把聲音一鳴驚人,他竟然知道塵老的存在。



「肅兄,你係咪黎左吖?係嘅不妨出黎聚一聚吖。」那把聲音再接鍾道。

「唉,咁都逃唔過你法眼吖!」塵老的身影慢慢從木牌中飄逸出來。

「蘇裕,唔洗擔心,佢係我當年遊走大陸時嘅好友。如今睇黎之後嘅路,我陪唔到你行落去喇。以你依家展現出黎嘅天賦,我知道你將來一定係玄氣大陸上令人敬畏嘅強者,好好努力落去,之後嘅路無左我都要好好努力,你仲要救番你嘅師父㗎!」塵老語重心長向蘇裕道。

「蘇裕感謝塵老一直以黎嘅教導。」蘇裕向塵老深深一躹躬「他日我蘇裕有成,必番黎再搵塵老!」

「以後再見我,相信你亦早有一番成就,下次見到我,唔好叫我塵老,叫我塵肅喇!」塵老柔聲道,下一瞬間,蘇裕便被傳送走了,手中還握着一本小本子。



蘇裕站着呆了半晌,終於清醒了過來。

「塵老竟然咁快就同我道別…」蘇裕略帶憂傷喃喃道「不過,我答應過塵老,會係我有所成就時先番去再搵塵老。」



「咦?原來我攞住左本野?」蘇裕這時才發現自己手中拿着一本綠色的小本子。

「枯樹逢春,只適合木屬性修煉者修煉,是為治癒性質的玄技。」綠色的小本子上記載着。

「呢個玄技確實不錯,唔知係咪塵老留給我㗎呢?等我完左呢趟旅程,就儘快開始修煉先,相信呢個玄技會係我戰鬥時嘅大大援助。」蘇裕心中暗道。



就在蘇裕剛離開的涼亭中…

「肅兄,不妨話你知,我隱隱約約感覺到,你位徒弟仔好似有股令我驚畏嘅感覺,雖然睇係睇唔出,但直覺話我知,你呢位徒弟仔,絕對來歷不凡。」那把聲音的主人終於現身了,是位與塵老同樣白髮蒼蒼的老人。看仔細點,他和塵老原本光滑的額頭上都竟出現了同一個紅色的印記,似是一隻大鳥…
已有 0 人追稿