第八章
12:30
《李佑年視角》
「簡直欺人太甚!」Tony憤怒地拍桌子,惹來附近幾個女生不悅。
「佢以為我哋好好恰咩?今次三個人算小懲大戒,殺雞警猴!」羅雨咬着一根牙籤驕傲地說。
「人又唔係你殺,明哥就係你惹辣興嘅,頭先走嗰陣又唔見你去幫拖?」鮮少作聲的林詩彤不屑地說。

「無聽過三十六計走為上計咩?楊過都係咁做啦!」他反駁,殊不知卻忍起陣陣恥笑聲。
「孫悟空呀係。」Kyla小聲得像耳語地說。
羅雨韋顯然是沒聽到,還以為嬴了一場罵戰而沾沾自喜地撥弄留海。


「……」對於他這幅自負傲慢的樣子,眾人自然是無話可說。

由於留堂室(310)是在新翼的三樓,需要轉彎才能到達,比起課室更隱蔽。對我們而言,就是一個不錯的避難所。班中除了失蹤的和死了的以外,就剩下方道明方sir留在家政室製造武器,誰叫他抽到了【製鐵師】,武器當然是留給他造。

「我覺得我哋應該出多次去。」阿康說,他、Katie和我正圍着桌子討論對策,「要逃出呢度,條件係殺晒所有怪物,目前已知嘅只有曱甴同青蛙。我覺得揾到其餘三隻係目前最重要嘅目標!」

Katie低頭思考着,阿康則用充滿熱誠的眼睛來回掃視我們。
「但我哋人丁單薄喎……」Katie苦笑了一下。
「除非我哋可以揾到其他班合作!」我抬頭望向阿康「聽講你同3A班主席陳浩昇係兄弟喎,如果佢哋肯派幾個紅卡綠卡嘅嚟幫手,咁就無問題啦!」我笑了笑。
「呃……好啦。不過佢係2樓喎。」不難看出阿康臉上的不情願。



14:30
「聽講你哋拎咗唔少嘢食,開心share下呀!」陳浩昇是一個又高又瘦的男生,但膚色卻出奇地白,還帶着些許宅男的感覺。
「你派兩個最強嘅紅綠卡出嚟,我哋就分嘢食俾你,Deal?」明明和兄弟聊天應該是一件輕鬆暢快的事,但阿康卻令氣氛十分緊張。

「不過唔要亞馬遜!」Patrick急急補上一句。
陳浩昇抬起眉毛,雙手抱胸靠在牆上。3A班的學生對我們三個不速之客很是不滿。桌子和地面都散落零食和三文治的包裝紙,不難得知他們以甚麼充飢。

「What are you doing?」陳浩昇無視阿康伸出的右手,繼續抱胸抬起眉問他。



他們兩兄弟是怎麼了?
已有 0 人追稿