20:58
「點……點算……」弱弱的女聲從我身後傳來,大伙正在以昨天搬回來的小吃零食充飢。
May坐在課室最後的地板,頭埋在腿間不住地顫抖。文柔和芯培正在安慰她,不停地輕撫她背脊。
「我殺……殺咗好多人!」她輕聲地飲泣。
「咁唔係你嘅錯,係嗰個叫Anna嘅……」文柔說到一半被打斷。

21:00
「請電腦管理員開啟電腦。」今早那把聲音說。
哈比把留堂室教師桌前的電腦,啪噠一聲開啟了。投影機自動投射了今早已經見過一次的excel檔案。





排在第一位的是3A班,共造成5.3%的傷害。全軍覆沒的5E已退到第二名,依舊是5%。第三名自然是我們班2B班,傷害值有3.1%,大概是阿康的功勞吧。其他班大多維持在0,只有並列第四的5D和4A有2.5%傷害。

看了一分鐘,我便覺得沒趣,繼續去偷聽May他們的對話,一邊咬着一根魚肉腸。

「我見到喺一遍漆黑中,Anna拎住把劍衝埋嚟我度。所以我就舉起手擋,然後無啦啦多咗塊鐵盾牌。我根本未試過打架……未學過武術,但我個腦好自然作出咗反應。三兩下手就搶走咗佢把劍。再擘返大眼就見D&T room,但我完全控制唔到自己,淨…淨係可以望住一條又一條嘅人命……」May說到這裡就開始咽哽,再沒有說話。

原來亞馬遜的技能是這麼複雜的,幸好我只是個造夢者,可以控制到自己又控制到其他人~

「今日真係好怪!」賢仔搬了一張椅子到我旁邊坐。
難道昨日不怪嗎?




「佢哋嚟真㗎,而我哋隨時可能會無命。」賢仔接着說,臉色有點難得的認真。

「比起呢件事,我更加想知你同阿康……」Moon轉過身加入話題,給了我一個意味深長的笑容。
「所以我哋要先下手為強,我唔想我哋班再有人死!」我無視Moon。

「Well,大家都知呢件事係無可能㗎啦!」Moon撥一撥前額的留海,一臉不在乎的說。
「所以你哋係咪咩呀?」她拋了一個眼神給我。
「Well,如果你俾怪捉嘅話,我要認真考慮一下要唔要救你。」我翻白眼。
「Well,我一定會救,我哋好需要一個人去研究一下你嘅感情事!」賢仔又意味深長地笑起來。





「我係戰士,又死唔去嘅。得閒無聊可以鎅下手,橫掂都唔痛。」說罷,她便隨手執起一根鐵釘插在手背。
血液從傷口流出來,但Moon仍臉不改色。很快,血液便違反物理定律地流回她的傷口,自動愈合了。

「噁!」我轉過身乾嘔,實在太噁心了!
賢仔和Moon一起大笑,讓這血腥又充滿殺機的一日結束在一片笑聲中。






2/12 2B班剩餘人數:27
———————————————————————
【植入式廣告】
Hello年偶的廣告無法跳過(´・ω・`)




<推薦作:穿越者系列>
《從前有個校長,佢禁錮咗全校人》
-全校學生被困在學校進行一場名為異能者的遊戲,含魔法元素。

《某月某日坐上某架無冷氣嘅巴士》
-七位乘客搭着一架架無冷氣的巴士來到了一個被隱形牆包圍巴士站,必須通過不同的虛境才能回到現實,接觸真相。

《十大作家,誰是兇手》
-十一個著名作家被捲入連環兇殺案之中,而其中一個就是潛在的兇手。


筆者開咗ig啦!快D去follow啦⬇️⬇️
puppet_nian.novel
已有 0 人追稿