[舊版][已停更]從前有個校長，佢禁錮咗全校人: Day 4s 有誰能幫我們

我正盤算着該如何再一次弄暈他，但他彷彿知道我的想法一樣，指示着Ella把我雙眼矇上。
「喂！」我劇烈地郁動，想要避開Ella手上的黑布。
忽然一股寒意溜進心底，沁入腦中，讓我不由自主地停下所有動作，有如在砧板上的肉塊，要剖要剢悉隨尊便。這種感覺如同星斗巿民遇上皇帝，或是弱勢動物遇上森林之王，感受到對方那種不怒自威的強大氣勢。令人在潛意識內不敢再冒犯和反抗。

黑色的布料矇上我的眼睛，可能是黑布太薄的關係，使我能隱約看到MMLC和其他人的輪廓。Kyla被兩個2C班的人捉住帶進來，更多的人從門口走進來，高興地歡呼着。
「好Yeah，今次佢哋唔俾嘢食都唔得啦！」這把聲聽起來有點像我去年的同班同學。
「一於殺咗個主席放喺佢哋課室門口，殺雞儆猴！」冷酷無情的女聲。
「都好，睇下佢哋仲夠唔夠膽玩嘢。」挾持着賢仔的男生說。

「你哋係咪痴線㗎？我哋係同學嚟㗎！」Hinson說。




「頭先你攞把刀劈我嗰陣，又唔見你話我哋係同學？」男生哀怨地反問，握着鐵枝的手用力得連青筋都現了。
「唔好傷害佢。」Tony對男生說，這麼尷尬又別扭的說話竟然會從他的口中說出，著實令我大吃一驚。
「呵。」Ella冷笑一聲，這一笑包含了妒忌、心酸、憎恨等不可思議的情緒，一個14歲的女學生怎會因為一場puppy love而有這些情感的？
「而家唔輪到你話事！」男生奸狡地笑「揾人去留堂室同2B啲人講，威脅佢哋拎食糧俾我哋。」

其中一個人轉身出了MMLC。
「佢哋無可能會拎到嘢食俾你哋。」我故作鎮定地說「尋日遊戲俾我哋嘅三文治，早就喺其他人食飽嗰陣消失，我哋都無糧食。」
其實事實是我們把近100多件的三文治收在了Katie和班上幾個人的儲物櫃中(那些書被我們扔出電網，燒個徹底)，至於留在鐵盆中就真的消失了。

我的話令MMLC中所有人都堪入一片沉默，直到那個【刀手】女生意有所指地笑起來。




「我知道你哋喺第一日搜刮咗小食部一轉，希望你哋仲未食晒啦，如果唔係我無辦法擔保你哋嘅下場。」
「大姐，都過咗咁多日啦！我哋班27個人，晨早就清晒小食部啲嘢啦，用腦諗下啦！」Moon不屑地說，唯一不懼刀劍的就只有她一個，要不是被人限制着行動，她一定有能力扭轉局勢。

「哦。」女生模棱兩可地應了聲，然後盯着矇上眼的我。

到底有誰可以幫到我們？