《李佑年視角》
14:10
「徐衍殤係咩人嚟㗎?」Moon問。
「係4D班嘅人。」我答。
「你又知?」Moon又問,我和她兩年好友,從未接觸到中三以上的學生,加上徐衍殤又不是劇社成員,按道理我應該不認識他。

「頭先佢嗌咗好多班名,除咗4D班之外。」劉加皓代我回答。
「你幾時咁醒㗎?」賢仔反問。
「我不嬲都咁醒㗎啦!」我吐吐舌頭說。
「根據阿夜嘅情報,徐衍殤應該係紅卡嘅最強技能,實際唔太清楚,但肯定好勁。」劉加皓說,看了眼剛剛跑回來的陵昇夜。





「如果阿康喺度就好啦。」Moon說「佢好似可以睇到其他人嘅技能。」
「知道佢技能又如何,你哋班最好唔好做任何事。無論係報仇定掠奪乜都好啦,唔好落單俾機會徐衍殤搞你哋。」陵昇夜認真地警告道。
「話時話,佢個名有個殤字,都唔妨係好人。再者,佢宣戰嘅有4A同5D,賴明謙同趙正儀一定會先下手為強。」陵星雨打消我們的憂慮。

所以接下來會有一段較為平靜的日子,沒有魔法師亂七八糟的技能對決,沒有賴明謙時不時的騷擾。運氣好的,其他班可能會專注於應付徐衍殤,而我們就有機會去打怪物。既然我已下定決心去出風頭,幫忙打怪物,那我真的要練一下自保能力,可以向星雨請教一下劍術。不知把西洋長劍的劍法,用在方sir打造的刀具上會如何呢。

「星雨,可唔可以教我劍術呀?」想到這點的我立即開口問「呢段日子,其他班好有可能會掛住處理徐衍殤,咁我哋班趁呢段時間去打怪咪得囉!」
「呃…唔係唔得,但你邊度揾把劍返嚟?」星雨反問。
「長刀得唔得㗎?用膠通駁長家政室嘅豬肉刀。」我提議。




「都可以嘅,你揾到再嚟揾我啦。」

此時我和Moon、賢仔的手機不約而同地震了一下。我們對視了幾秒。
「你哋睇啦,我唔想見到嗰pat紫色嘢。」一想起破裂的手機和詭異的紫黑煙就頭痛了。
「係條片呀!羅雨韋send過去班群嘅?」Moon皺着眉點開了影片。
不知為何在這個被電網包圍的空間竟然能夠上網,雖然只限於聯絡在校的人和上Google查資料。

影片搖晃得很,主角有四個人,憑背影認得出是阿康和黃美娜。媽的,怎麼他們又走在一起!另外兩個是陌生的高中生,一個帶着老虎橙影的男生和臉上塗得亂七八糟的女生。男生被黃美娜用手指點了一下後,就全身麻痺地倒下,雙眼猙獰地瞪着。
「哇!好驚呀!誠仔乜你咁廢㗎。」女生尖聲地高呼,面帶嘲弄地踩上男生的後背。





「睇我啦!」女生拿起球棒,做出迎戰的姿勢。

「哇!佢唔係扮小丑女呀嘛?」Moon大煞氣氛地說。
「……」我和賢仔白了她一眼。
已有 0 人追稿