[舊版][已停更]從前有個校長，佢禁錮咗全校人: Day 6l 強強相遇，惺惺相惜

12：35
「哈囉，我哋又嚟啦！」Moon走在我們前面，敲了敲星雨他們所在的課室門。
「你哋真係唔驚死㗎喎。」陵昇夜拉開門說。
劉加皓站在窗邊觀察着操場下發生的事，星雨則又双叒在磨刀。一把長劍被擦亮得能照到自己的樣子，鋒利得削鐵如泥，星雨真是愛劍。

「賴明謙係咪救咗趙正儀？」我走到窗戶前看。
操場…應該說是戰場。經歷過一次又一次的魔法洗禮以後，早已看不出它的原貌。大片大片的焦黑覆蓋了半個操場，又有錯縱複雜的泥柱直插雲端，在電網下不到一米的距離停下。前幾天的參天大「樹」，因受到趙正儀的焚燒而折斷，成為木炭。

從五樓高處看下去，只見到疑似賴明謙的人在和徐衍殤交手，他利用了自身兩個頂級技能的優勢，勉強能和徐衍殤打個不分上下。一旦打不過，他就在腳底下長出土柱，升高自己。有種對樓下那人說：「打我呀笨」的感覺。不過怎樣看都不見趙正儀的身影，應該逃掉了，不然就會有多個人拿着火系卡來湊熱鬧。





「佢俾梁日昇同何洛瑤救走咗。」劉加皓目不轉睛地說。
「邊個梁日昇？」「邊個何洛瑤呀？」我和阿康不約而同地問出來。
「Yoyo Ho你都唔識？咁落後㗎你！」Moon嘲諷他，我也點頭附和。
「唔識呀，我應該要識？」阿康反問。
「我哋學校嘅超級觀音娘娘，唔追星雨嘅大部分單身狗都佢嘅兵。」昇夜說。

「哥……」
「咁梁日昇又係咩來頭？」我接着問。
其他人都聳聳肩，除了知道他是4A班以外，都沒甚麼有用的資料了。





「好啦，我哋要傾下點樣對付徐衍殤呢個人。雖然佢目前有賴明謙呢牽制，但萬一賴明謙好好彩咁死咗嘅，全校人都可能會有危險。」劉加皓頓了頓「我相信你哋上嚟都係為咗呢件事。」
「引怪物去殺佢係最好嘅方法，」我說「一來可能只有怪物先對付得到佢，二來係俾怪物殺嘅人唔會跌落技能卡，令呢個惡魔技能消失於世上。」

「你幾時變到咁聰明㗎？」Moon轉過身捏着我的臉頰。
「不嬲都咁醒，我隱藏實力啫。」我一下拍走她的髒手。
「真係高招。」阿康喃喃道。
「不過得一隻青蛙未必夠，可能會加埋曱甴或者老鼠。」劉加皓鄭重地說。

「老鼠啦，曱甴留返俾我哋打。」阿康搶先我一步說，真的是，最怕就是蟑螂，打老鼠不好嗎？
不出所料的劉加皓一口氣答應了。




「不過之後我哋要打怪，應該幫唔到你哋太多。」Moon說。
「無問題呀，係時候鞭策下5A嗰班友。」
我轉過頭看劉加皓，正巧他又對上我的視線。這一眼不得了，我竟然解讀到強強相遇，惺惺相惜的意思。真是奇怪，我又多了一個技能嗎？
———————————————————————
【植入式廣告】
Hello年偶的廣告無法跳過(´・ω・`)
＜推薦作：穿越者系列＞
《從前有個校長，佢禁錮咗全校人》
-全校學生被困在學校進行一場名為異能者的遊戲，含魔法元素。

《某月某日坐上某架無冷氣嘅巴士》
-七位乘客搭着一架架無冷氣的巴士來到了一個被隱形牆包圍巴士站，必須通過不同的虛境才能回到現實，接觸真相。

《十大作家，誰是兇手》
-十一個著名作家被捲入連環兇殺案之中，而其中一個就是潛在的兇手。






筆者開咗ig啦！快D去follow啦⬇️⬇️
puppet_nian.novel