[舊版][已停更]從前有個校長，佢禁錮咗全校人: Day 6m 劉加皓視角:追查真相

《劉加皓視角》
12：45
我對上李佑年的視角，她的眼神不同了，和一開始見面時變得不一樣，整個人都變了。前幾日的她依舊是聰明但卻內斂，現在的她野心勃勃，富有計謀。更強但亦更有心計。這應該出現在一個中二少女身上嗎？不管是受外在因素影響，還是她本性即是如此都好，在這種情況下還是有用的。李佑年在我們的同一條船上，而非對立面，相信會是一件好事。

同樣都想到利用怪物消滅徐衍殤，同樣都想到賴明謙救趙正儀。腦迴路非同凡嚮，也許正正是命中注定的主角。也許接下來發生大事，不是圍繞魔法師發生，而是圍繞着她。不甘於被埋沒光芒的星辰，能夠發出最耀眼的星光嗎？

「話時話，你哋知道第五隻怪物未？」星雨問。
「未見過。」眾人回應。
「據我所知應該係個人。」李佑年托着頭說，引來了我疑惑的目光「我哋班有個預言家，曾經見到四隻怪物同一個黑影人企喺一個大火堆面前。黑影人應該就係隻怪物。」





「會唔會係校長呢？」康問。
「八八九九啦！」阿夜說。
「你睇下呢張紙，我哋喺science lab執到㗎，內容係校長要脅老師落去操場，如果唔係就炒魷魚。所以老師應該不知情，呢件事我哋班之前有討論過。」Moon點頭道。

「所以林向南就係主謀，但又係點樣設置呢個電網，同整埋呢啲亂七八糟的卡牌技能？」星雨問。
「我估……我哋唔會知點解。」佑年說。
眾人落入沉默的低谷，追查真相是否能為我們打開勝利的大門？真相重要還是生命重要？如果查出真相的代價是跌入萬劫不復的深淵，那我寧可一直被蒙在鼓中，當一隻被元兇把玩的棋子。

「或者藍卡嘅持有者可以揾到線索，畢竟有【預言家】同【時間旅行者】兩種超乎想像嘅技能。Kyla嘅技能也許係真相嘅關鍵，我可以幫你哋揾第三四五個【時間旅行者】出嚟。」康說。
「預言家？」我問。




「嗯，上次2C綁架嗰陣佢都喺度。」
「有機會嘅叫佢做多次預言，同埋最後一句，你哋喺徐衍殤死之前，盡情打怪，唔好去參加戰事。」

「無問題！」
「那些年錯過大雨，那些年錯過的……」阿康的電話響起來。
「喂，美娜？」我注意到佑年的臉色黑了黑「吓？哦！而家返落嚟，唔好俾佢哋亂嚟！」
「Sorry，我諗佢哋已經參加咗啦。」阿康放下手機後正色對我們說。