十四

老實講,上次我制服左佢地之後都冇理過佢地就咁走左去,都唔知湯普深點處理佢地…

估計,湯普深係警二代,應該會報警拉佢地呱?

「都話架喇,我地大佬幾有面!」我見到係紋身佬A,佢好招積咁講:「大佬佢都唔駛親自黎,搵英哥拎封親筆信黎比班垃圾差佬,即刻乜charge都唔落,無條件咁放我地走!」

「果個姓湯既總警司仲要親自落黎同我地道歉!」紋身漢C續道:「我真係想比佢個仔睇下,佢老豆向我地道歉果陣個死樣!」





「不如再刮條細路出黎打鳩佢!」紋身漢A怒道:「我果日比佢打左幾拳,好撚嬲!」

「算喇。」紋身佬B出聲:「英哥都叫我地算數,唔好搞大件事…搞得太大既話唔知點收科。」

「哼!」紋身漢A道:「去叫雞發洩下先!」

「駛乜啫…」紋身漢C話:「帶得你黎呢度,梗係有好野益你!」

紋身漢B續道:「叫雞錢都慳返!」





見到佢地三個緩緩咁行過去阿關既位置,我開始心知不妙…

「之前夜晚好多妹響呢度傾計飲酒,佢地係完全冇反抗能力!有時佢地帶埋男朋友既,仲可以用黎練練拳!」紋身漢C解釋:「我地之前響呢度扑過幾條學生妹,十六歲都未夠,卜卜脆!」

「反正我地錘頭幫惡晒!」紋身B淫笑道:「佢地就算報警,有人show佢地咩?」

「玩強姦咁正呀!」紋身男A一同淫笑起黎:「AV就睇得多喇,我自己就真係未試過!」

「好撚正架!」不過紋身男C接住歎左口氣:「不過最近唔知係咪走甩左風聲,黎呢個公園既MK妹少左好多。」





唔經唔覺,三個紋身男已經走到好近阿關。

紋身男A忽然指向阿關坐緊張長凳:「駛乜搵?果度咪有條女囉!」

「一早就見到喇,屌!」紋身佬B道:「唔係做乜帶你行呢個方向?一陣玩4P呀屌!」

屌,真係比佢地睇中阿關!

我要出動喇!

唔係就真係太遲!

「喂,靚女!」紋身漢A向住阿關大叫:「過黎比叔叔扑!」

頂,真係…好低俗。





阿關呢個時候先意識到有人行緊埋去,表情開始有少許驚慌。

紋身佬B走埋去一下子捉起佢手臂,將佢拉起身。

「放手!」阿關大叫。

就響同一時間,我由條燈柱fing到埋紋身佬B身後,將佢踢低。

紋身漢B倒地。

我就同時拉住阿關,以免佢比紋身佬B拉埋落地。

「Hi everyone。」我向紋身佬A同C打招呼。





「又係你隻死蜘蛛!」紋身佬A大驚。

「阻人扑野要燒春袋架!」紋身佬C怒吼!

「扑野都要合法合情合理~」我聳聳肩:「我覺得你地而家唔係囉!」

「你知唔知得罪我地錘頭幫有幾大鑊…」紋身佬A都未講完,已經比我隨手射出既蜘蛛絲封實左把口。

「我覺得你地而家大鑊啲。」我一邊講一邊感覺到阿關捉住我手臂。

捉得好緊。

心中一甜。

兩個紋身漢A同C齊上,我避都冇避,輕輕咁掙脫左阿關捉住我既手臂,雙腕瞄準,將兩條蜘蛛絲射向兩漢,再將佢地fing走。





但就響呢個時候,我既蜘蛛感應突然感覺到,跌低左既紋身漢B有動作!

我即時轉身,只見紋身漢B已經企左起身,唔知響邊度拎出左把刀,向住阿關揮去。

「啊!」阿關驚叫!

危急之際,我即時一拳揮出,雖然成功將紋身漢B打出老遠,但右臂同時被被刀劃出一道長長既傷口。

屌,屈辱呀!

老貓燒鬚添。

要護住多一個人係唔同啲,下次要留意返先。





「你…冇事吖嘛?」阿關好關心咁捉住我右手手臂問:「你受左傷呀。」

「小…小事…」我對住阿關,把口好似突然間變到唔係好識講野咁…

我終於有機會同阿關講野喇!!!

阿媽,我得左喇!

一定係妳在天之靈保佑!

突然之間,我聽到後面有一陣炮仗聲起。

原來係倒地既紋身漢C向天空升出一發訊號彈。

訊號彈?

我仲以為睇戲以前啲人先會咁用添!

就好似功○入面既斧○幫咁!

佢地一定係響度召集緊人馬。

說時遲那時快…

砰!

夜空上面紅色既閃光同震耳欲聾既聲音響起。

Shit!係喎,我啱啱打低紋身佬A同C既時候,未用蜘蛛絲痴實佢地,又未打到佢地暈低…

係我失策!

如果我一個人既話絕對唔驚,但而家我要保護埋阿關…

此地不宜久留!

要帶埋阿關走!

(待續)
已有 0 人追稿