簡介

文筆極差,勿插 sorry for 1999



有無試過,某啲時候,無力感好重?

完全唔知發生咩事,可能只係睇左啲野,一瞬間,覺得自己好無用。

呢種感覺就突然黎料,好似平時寫文咁,話黎就黎,毫無預兆。

我講唔清依家呢種係咩感覺。抑鬱?自閉?低潮期?我唔知,只係知以前從未試過咁樣。

一向比人印象都係笑到無心無肺咁,可能就以為我唔識唔開心,但有邊個知,間唔時夜晚嘅我可以有幾脆弱。



點解會咁?我都想知。

可能係睇ig睇到呢排嘅嘢?見到依家咁樣,灰都正常吖。日日叫人唔好麻木,但反而自己好似漸漸對呢一切開始有少許麻木。完全麻木?又唔係嘅,嬲我都好嬲,嬲完就係無力感囉,無助感,完全唔知自己有咩用。

可能係聽左花花嘅歌?好似咁大個都未試過聽歌會喊,但頭先聽嗰着好想愛這個世界,竟然鼻酸喎。不過其實打到呢到,隻眼都有少許濕喇。

咁樣打呢度一篇野出黎,唔係想你同情我,理解我,安慰我,只係我個心引導我咁做。我都知呢篇野講到1999,可能我日後無事睇番都睇唔明,但有啲感受,文字真係抒發唔到出黎,可能係我能力太低喇,唔清楚。如果你曾有同我差唔多嘅經歷,可能你會明嘅。

放心,我唔會自殺。
已有 0 人追稿