簡介

最近成日都發惡夢同撞鬼 所以不如將佢地直接寫成故事...



噠噠噠噠噠...搞掂...終於都打完呢篇文...嘩...都十二點幾喇喎...有啲眼瞓...都係訓覺啦...
.
.
.
係一個人人都係度享用緊晚餐嘅夜晚,一個寧靜嘅小圍村入面竟然發生咗一啲怪事。

一個望落只有十五歲,清純可愛嘅紅衣少女,係一個獨居嘅打工仔嘅屋企門口敲門。

屋入面嘅打工仔出咗嚟應門,少女表示佢啱啱俾人搶劫,身無分文,而且好肚餓,懇求打工仔比佢入去食一餐飯,打工仔見到少女凌亂嘅衣服同埋不斷打鼓嘅胃部,唔忍心比佢餓住,所以請咗佢入去。



入到去之後打工仔自我介紹,表示少女可以叫佢做阿明,而少女亦都表示佢叫做愛麗絲。

雙方自我介紹咗之後,愛麗絲提議佢可以幫手整一碟拿手菜。

半個鐘之後,愛麗絲擺低咗一碟糖醋排骨係枱面,請阿明試食。

阿明夾咗一舊排骨落口,唔知點解佢食咗一啖之後,形容唔到嘅美味,令佢又忍唔住係咁夾,塞到成個口都係,係呢個時候,愛麗絲嘅計劃終於去到最後一步。

佢解除咗幻術,令阿明發現自己食緊嘅其實係一啲血淋淋嘅鼠肉,而且應該死去多時,腐臭味湧入鼻腔,令佢即刻嚇到想大叫,但係個口因為塞滿咗鼠肉而嗌唔出聲。



係呢個時候,愛麗絲將阿明嘅雙眼用匙羹活生生咁挖咗出黎,然後用菜刀割斷阿明嘅喉嚨,最後阿明係恐懼同極度痛苦中死去。

阿明死咗之後愛麗絲就準備搵佢下一個玩具,而佢將目標鎖定左係隔離屋,因為佢過嚟果陣見到個間屋好似淨係得一個人。

另一邊...

丑啱啱係網上睇完一個關於女巫嘅故事,入面嘅女巫喜愛以幻術狠毒咁殺死年青人,由於描寫得好生動,所以令丑感覺到咗一陣涼意。

正當丑諗住去整嘢食果陣,突然有人係度敲門,丑打開咗門之後,見到一個年輕而且樣貌十分可愛嘅女仔,少女表示佢叫做愛麗絲,係今日啱啱搬嚟嘅鄰居。



丑無懷疑到佢,因為佢見到愛麗絲拎住一碗薯仔炆雞翼仲有一壺熱湯,表示想請佢食,日後要多多指教,愛麗絲入到嚟之後,丑表示難得有鄰居過到嚟,仲有佢自己一個食唔曬咁多嘢,所以丑係廚房入面拎咗啲碗出嚟夾咗啲雞翼同少少湯俾愛麗絲。


愛麗絲表現得面有難色,因為佢知道果碗薯仔炆雞翼其實係阿明血淋淋嘅眼珠同埋手指,而且上面已經開始出現一啲蛆蟲係度爬嚟爬去,而啲湯就係阿明嘅血液同埋糞便,而且都有一啲蛆蟲係度暢泳,情景極奇嘔心。

但係為咗令計劃順理進行,愛麗絲選擇頂硬上將佢哋食曬落肚,佢強忍嘔心嘅感覺,見到愛麗絲食咗之後,丑都放低咗最後嘅戒心,食咗一啖雞翼。

係呢個時候,愛麗絲因為心急所以提早咗解除幻術,丑發現咗眼前嘅狀況之後,極速衝入厠所嘔吐,令愛麗絲未能及時下手,但係愛麗絲仍然跟住丑,等待時機下手。

正當丑啱啱嘔完抬起頭果陣,愛麗絲用菜刀一下斬咗落去!但係丑用靈敏嘅反應避開咗,不過仍然係佢條頸到留低咗一個小傷口,少量嘅血係入面流出。

避開咗攻擊之後,丑用手刀打咗落愛麗絲隻手到,令佢跌咗把刀,正當丑執起把刀諗住斬落去果陣,愛麗絲用佢楚楚可憐嘅大眼望著丑,丑心軟咗,而愛麗絲乘機係旁邊拎咗支竹籤刺去丑到!

叮叮叮叮叮,係鬧鐘響起嘅聲音,朝頭早拿?

又發惡夢...真係恐怖...點解條頸好似有啲痛咁嘅?



刷牙算,點解...我條頸有個傷口嘅...仲要流緊血....

 
已有 0 人追稿