[愛情]我和天才同班男神的賭約: 第零章 1

「各位同學，呢位係温雪楠，係由洪錦原中學轉過嚟讀中四嘅。」班主任張老師向4A班的同學介紹着温雪楠。

温雪楠長得十分可愛，皮膚白哲。一頭平留海短髮及肩，但她的氣質內斂，以致她不如校花般美艷。她在老師介紹時一直都是低着頭，只是在介紹完時點了一下頭。

「你過去坐喺容晞瑤隔嚟。」
温雪楠乖巧地走到容晞瑤旁邊，放下她有貓貓圖案的深藍色書包。

剛坐下，她便感受到背後有一陣凌厲的目光注視着自己，使她悚然一驚。她轉過身看了一眼，只見一個帥氣且臉容冷俊的男生盯着她。
「望咩呀？」景博謙問。
「無……」明明是你先盯着我的……



「嗨！我叫容晞瑤，你可以阿晞、阿瑤，不過唔好叫晞瑤，呢個名係男朋友先叫得！」容晞瑤是個活潑的同桌和朋友，甚至有點太健談了。

「你有男朋友？」
「無喎！」
「……」
「遲早會有嘅！」
「……」

「以後多多指教。」温雪楠尷尬地轉了個話題，對比自己不怎說話的個性，容晞瑤實在太開朗了。


「放心啦！我無咩可以教到你！」
「……」
「不過我會同你分享下呢一班嘅八掛同生存之道。」

「景博謙係我哋級嘅學霸，都可以話係校草嘅。」
「邊個嚟㗎？」温雪楠小心翼翼地問。
「啱啱啤住你嗰個囉！」
「哦……」
「噓，張老師講嘢啦！」
我才沒作聲……温雪楠心想。



「雖然今日係聖誕假後第一日開學，但我要提醒你哋，聽日math quiz ，要滿七成先合格，唔好令我失望。」張老師有意無意地看了温雪楠一眼。

———————————————————————
【植入式廣告】
作者初寫愛情，推薦作有穿越者系列：
《從前有個校長，佢禁錮咗全校人》
-全校學生被困在學校進行一場名為異能者的遊戲，含魔法元素。

《某月某日坐上某架無冷氣嘅巴士》
-七位乘客搭着一架架無冷氣的巴士來到了一個被隱形牆包圍巴士站，必須通過不同的虛境才能回到現實，接觸真相。

筆者開咗ig啦！快D去follow啦⬇️⬇️
puppet_nian.novel