[愛情]我和天才同班男神的賭約: 9

～4B課室中～
「真係激激激死人啦！」何欣潼憤怒地在李均君的位子上發脾氣。
「蛋蛋sin，你嬲緊乜呀？」李均君看着自己忽然被佔據的位子問。
「新嚟嗰個咩温雪楠囉，佢先嚟咗三日咋，就令到謙謙成個人嘅注意力都放晒喺佢身上！」何欣潼隨手拿起李均君同桌的筆袋扔到地上。

李均君不動聲色地嘆了一口氣，扶一扶額。覺得自己和古代討好主子的奴才沒甚麼差別，但偏偏何欣潼又是自己從小就識的好基友，還可以怎樣做呢？
「你咁嬲做咩啫，轉校咋嘛，景博謙又無話鍾意佢。」亦沒說喜歡你……

「我唔理！」
「你落返嚟先，唔好好似潑婦罵街咁啦！」李均君沒好氣地把何欣潼從桌子上拉下來。


「學你話齋，佢而家先第三日嚟到啫，慢慢嚟啦！」

「真係嘅？」何欣潼眼睛泛着光地問。
「嗯。」看到她充滿希望的眼神，李均君有些小高興，但一想到是幫她追男仔，心情又低落下來。

～4A班課室內～
「喂，你無事呀嘛？」容晞瑤衝到剛回到課室的温雪楠面前。
「吓，我會有咩事呀？」
「你唔見何欣潼個樣好似想食咗你咁咩？」容晞瑤一邊說一邊拉着温雪楠回到位子坐下。
「點解佢要食咗我呀？」雪楠呆呆地問。



「肯定係因為佢被迫要喺econ度調位啦！搞到佢無得同'謙謙' 坐，唉～善妒嘅女人真係可怕。」坐在景博謙旁邊的郭文俊，撓起二郎腿，看着漫畫書說。

「唔可以帶色情漫畫返學㗎，沒收！」景博謙紅着耳朵，故作鎮定地取去郭文俊的漫畫書。
「邊忽色情呀？prefect大晒呀？」郭文俊不滿地問。
「嗯。」景博謙翻了翻內頁後說，「係大晒㗎。」

「邊個係謙謙呀？」天真的雪楠可愛地問。
郭文俊看了看翻書翻得高興的景博謙，朝他點了點頭。
「……」



———————————————————————
【植入式廣告】
作者初寫愛情，推薦作有穿越者系列：
《從前有個校長，佢禁錮咗全校人》
-全校學生被困在學校進行一場名為異能者的遊戲，含魔法元素。

《某月某日坐上某架無冷氣嘅巴士》
-七位乘客搭着一架架無冷氣的巴士來到了一個被隱形牆包圍巴士站，必須通過不同的虛境才能回到現實，接觸真相。

筆者開咗ig啦！快D去follow啦⬇️⬇️
puppet_nian.novel