[愛情少甜故]他都一走了之-我和她的故事: 尋找
一個月後:
我同佢冇乜嘢進展,佢補咗一個月之後,亦都離開咗,當時我認為佢只係我生命中嘅一個過客,直到。。。。
升到中四:
「頂你呀快D打機啦!」 「入緊喇入緊喇,好快啦好快啦。」
冇錯我而家喺度同阿豪打緊機。佢係中四同我同班##
三小時後:
「今日乜撚鬼嘢事呀,打親都輸嘅!」
我即心情伴隨時我連輸20場而從山頂跌到落谷底。
「係囉啲隊友雷鬼曬嘅,真係唔明佢哋咁嘅實力都可以打到機嘅,唔好打機la, 打飛機算啦!」我心有不忿咁樣講。
「唉,如果有條女就好啦。」我好唔開心咁喺度放負。
「有條女又點啫,你會勁到識飛咩,你要知道 ,女人如衣服兄弟如手足呀?唔好咁灰la。」
「你有女梗係唔係咁講la。點呀,你同Bella* 過得點呀!」
「 我星期六約咗佢去睇戲喎!」佢好自豪咁樣講。
「 仲話咩女人如衣服兄弟如手足喎,咪都係喺度重色輕友。」阿而家啲人真係講一套做一套。
「 放心啦,你嘅地位同佢一樣重要㗎!」
「係至好喎!」
果然係好兄弟,真係唔會辜負我。
「 既然你咁想要女,豪哥就教你溝女。」
「 首先,要搵到目標,有冇鍾意嘅人呀。」
「 有。。。有嘅。」
「有冇相呀,攞嚟睇下都好呀!」
「冇。。。冇呀我淨係知佢係我小學隔離班咋!」講到呢度我面都紅曬。
「 下過左咁耐你都鍾意,仲要係小學,好難搵㗎喎 。咁。。。可能去學校網頁查下會有嘅!」
於是我哋開咗我小學嘅webpage, 逐個活動咁樣睇。
一小時後:
「 嘩!就咁睇個樣好似幾掂喎!」
「 仲好講,我睇得上眼嘅差得去邊呀!」
「 嘩,溝到仲唔發達!」就連條女係極品嘅阿豪都咁講
「 不過自從喺補習社撞到佢之後,我就冇同佢傾過計啦。」
「 咁耐以嚟,佢都可能唔記得咗我la」
「 未試過又點知啫!」 阿豪突然好大力拍張枱。
突如其來嘅舉動令我嚇到鳩都縮埋,「 做乜鬼嘢呀你!」
「唔準氣餒,我哋首先要從人際關係入手。」
「 先認識佢啲朋友,再慢慢認識佢!」
從嗰日開始,我就搭上咗尋找一個陌生人嘅努力。
##如果想知道我中三既故事,可以尋找我的partner「薯仔頭大衛神」既故事,雖與本作人物有關,但與本作故事線冇關,可當獨立故事睇。
*Bella一另一個系列故事女主角,將於本作完結後推出,雖與本作人物有關,但與本作故事線冇關,可當獨立故事睇。
大家好,今次係小弟第一次寫故,希望得到大家支持。同時亦可支持我既寫作partner 「薯仔頭大衛神」
IG:baleking1320
薯仔頭大衛神 IG:potatohead_davision