簡介

我的價值觀會隨着時間改變,現在的我未必認同當時所寫或講的內容。





Famj係咩?
Famj 係famous jj嘅簡稱。Famj咪即係班00後MK子女囉!佢哋美化咗自己唔叫自己吃MK仔MK女,有啲甚至係街童嚟,有啲唔鍾意話自己係famj,但自己明明就係。

咁點樣先可以分辨到佢哋係唔係famj呀?
佢哋都有一啲共通點,例如係Bio嗰度tag好多人,有5-600或以上嘅follower,恨拍拖,好鍾意叫人哋幫去sfs佢個post,或者幫返人哋咁做,佢哋每出一個新po都會叫開一個IG Story問tag唔tag,周圍r friend,同埋叫人follow佢and like晒佢D post,頗多post 都會加返首支那歌,多數嚟自抖音。

Famj靚唔靚仔/女㗎?
有部分係靚嘅,但係大部分個樣都係路人樣,佢哋成日會吹奏大家係靚仔靚女,仲會話係男神女神。

你話佢哋係MK子女,咁佢哋會唔會食煙飲酒吸毒紋身?




有啲係會嘅,但唔係個個都係咁囉。可能佢哋覺得好型掛。有啲因為屋企人有食開煙或者吸開毒嘅話,就經屋企人去到購買,跟住又會散俾其他人。因為香港係未滿十八歲係唔可以紋身,而嗰啲famj普遍都係13,4歲,所以佢哋一般都係去啲非法嘅紋身舖。

佢哋周圍r friend,咁咪好多朋友囉?
Um...係嘅,不過好少做到好耐friend,多數好快就做認識的陌生人。不過都有啲真係做到好耐朋友,其實識多啲人冇壞嘅。

總結
Famj都係想俾人見到或者有人陪,好多都係因為屋企問題或者受到朋輩影響。