「喂!賢仔!」

離遠已經聽到阿謙叫我,我默默除咗我個耳機,

「喂!阿謙!好耐冇見喎。」

「耐條毛,琴日先一齊打完波。」

「話時話,你諗住揀咩科啊?」



「唔知喎,PE掛?」

阿謙係我中學第一個frd,佢打波幾堅,其本上次次畀佢大炒。佢個樣唔算差,佢好彩啲,識Social,而且小學校男女校,跟本不能同我呢啲小毒毒比較。

我哋一齊行入班房,我望一望啲舊同學,

「點解有個咁熟悉嘅面孔嘅?」

「熟悉?佢插班生嚟㗎喎。你係咪記錯?」



「佢好似係我個新鄰居。」

「你幾時有新鄰居?點解我日日上嚟打機都唔知?」

「我都係我呀媽今朝話俾我聽,我先知。」

「求其啦,你哋做唔做到frd都係問題,你咁毒。」

「哈哈,你好風趣幽默呀!」



呢個時候,有位其貌不揚嘅Miss行咗入嚟。

「全部同我坐低,過咗個暑假就唔識守紀律呀,中三啦!成熟啲啦!」

呢位火爆Miss係我今年嘅班主任Miss Wong。

「我哋今年有位新同學,李梓維上嚟介紹下自己。」

一位活生生嘅IG男神行咗出嚟,

「我叫做李梓維,你哋可以叫我Aron,我啲frd會叫我Argon,我平時鍾意打波同打機。」

「唔該晒Aron,希望你可以Fit in到我哋班,你不如坐住呀謙同賢仔中間,佢哋都好鍾意打波。」

佢慢慢行過嚟我個邊坐低,我諗住開口個陣,佢已經開咗口



「Hi,你係住我隔離屋嘅鄰居?我哋今朝係𨋢度見過㗎嘛?」

「Hello,我係呀謙,不如放學一齊食飯?」

我小,你有冇咁猴擒呀,連俾我回答嘅機會都無....不過仲好,至少我可以專心睇書。

呢個開學禮話咁快就完咗,阿謙就緊係同Argon聯繫感情啦,而我呢就緊係返屋企打機同打波啦!
已有 0 人追稿