[中學][純愛]讀男校嘅我，到底係咪真係咁難識女仔？: 心灰

「叮叮叮！叮叮叮！」

第二日，鬧鐘叫醒左我。

「阿仔，錢呀，要唔要呀！」

「要要要要要！多謝多謝！」

我匆忙出門，喺𨋢口見到Isabella，我同佢講早晨，佢冇回應到我，我個心灰左一下，我以為佢聽唔到。



「早晨呀！」

佢對住我微微一笑，點一點頭，彷彿禮拜六嘅事冇發生一樣，我個心徹底灰左，點解我哋冇啦啦變返陌生人，我都只能夠默不作聲，今次呢趟𨋢，比平時更加長。

我戴著耳機，自己行返學校，心入面係如此空虛，全日都聽唔到書，我一直諗，諗點解佢會無啦啦對我咁冷淡。

可能出於兄弟嘅本能，小息嘅時候，呀謙行埋嚟拍一拍我背脊，喺我最需要幫手嘅時候，佢永遠都喺度，呢啲咪就係兄弟嘅作用囉。

呢個時候Argon行咗過嚟，好似有啲嘢想講，但係佢又欲言又止咁，



「點解㗎？」

我起身捉住佢條領，呀謙都呆咗，佢從來都無見過我咁激動，佢好想上前制止我，但係又唔敢，

「我...我都唔知㗎，我尋日整係聽到咩比啲叔父見到家姐同個男仔好Close，跟住家姐就比人訓話咗成晚。」

媽呀，點解可以咁老土嘅情節發生係我身上㗎，唔通到2020都唔可以自由戀愛咩？係都要管住晒。我聽完之後呆咗陣，我足足企咗喺度三分鐘，我一直諗我做咗啲咩所以親唔起佢。

話咁快就放學，呀謙見我咁愁就叫Argon返屋企先，跟住陪我周街行下，散下心。但係條PK帶咗我去東大街，



「你好嘢喎，專登帶我嚟呢度！」

「唉呀，咁呢度最近呀嘛，同埋你無可能一世唔嚟㗎嘛。」

佢又唔係無道理嘅，咁我同佢又唔係Official喺埋一齊，不過心酸就一定有㗎啦。不過無咩心情洗錢咁，睇住佢食咗半個鐘，我好想返屋企囉，好彩佢都識做，無留我好耐。

我行到去屋企門口，正想開門嘅時候，隔離屋有把男人聲傳出嚟，

「你堂堂一個Band1學生，你竟然走去拍拖，仲要同埋個Band2仔，成家啲名譽比你輸晒啦。」

「Band2又點喎，佢喺學校成績都唔差，我同邊個拍拖關你咩事呀！呀！」

佢一講完就叫咗一聲，應該比佢老竇打，我聽到呢度我幾咁希望佢個日唔好同我出街，咁就唔使畀人打，我好自責，就係呢個時候，

「你今晚唔好喺度瞓呀！」



隨住「嘭」嘅一聲，我嘅好奇心使到我開門睇一睇，同我意料一樣，佢比佢老竇趕咗出嚟，

「我可唔可以入嚟呀？」

佢楚楚可憐咁望住我，需然我好我比佢入嚟之後佢老竇鬧佢鬧得仲甘，不過無理由叫個女仔坐喺度坐咁耐㗎嘛，

「你快啲入嚟啦，費事你一陣間俾人笑呀。」

佢唔好意思咁入咗嚟，全程耷低頭，我入廚房斟咗杯水俾佢，

「你無嘢嗎？」

我當然知道佢有嘢啦，只不過我諗唔到點打開話題，



「無嘢，不過好多謝你收留我，我晏啲會返去㗎啦。」

「唔使唔好意思喎，有人嚟我屋企陪我仲開心添。」

佢笑一笑，個氣氛亦都唔再咁尷尬，

「其實我今朝唔係唔想理你，之不過我老竇話唔俾我同你有聯繫。」

「我明喎，你係一個Band1嘅學生又點會睇得起我呢啲Band2呀.....」

「我細佬都係讀Band2啦，又唔見佢睇唔起佢！」

就係咁，佢同我講咗好多佢屋企啲嘢，我又了解咗佢多啲，

「我可唔可以喺度過夜呀？我老竇唔係講笑㗎....」



我呆咗，因為無女仔朋友上過嚟我屋企，仲要過夜，不過我咁好人就緊係俾啦。個一晚，我比佢瞓我間房，正當我想走嘅時候，

「唔好走，留喺度陪我啊。」

我行返入間房，坐咗落張凳度，好彩聽日喺公眾假期，唔係我都唔知點算。就係咁我同佢傾下傾下佢就瞓咗，我亦都因為太攰就坐咗係張凳度瞓着咗。第二日我一起身佢就走咗，留低咗摺好嘅被。唔捨得？實有㗎，畢竟佢尋日都對住我敞開心扉，今日連ByeBye都無講就走咗。不過我喺瞓覺個陣約莫Feel到有人錫咗我一啖同埋聽到佢同我講多謝。
===============================
簡單的一吻　手心的抖震　示意我再不必孤單寄生