[中學][純愛]讀男校嘅我，到底係咪真係咁難識女仔？: 戀愛

「 係呀，傻仔，咁都Get唔到。你真係毒㗎喎！」 

哇！佢應承咗我呀！但係佢老竇嗰度點搞呀，一陣間會唔會逼我同佢分手㗎？ 一時間呢啲想法彈曬出嚟，Isabella見到我又開心又苦惱個樣，佢主動拖住我，

「我呀媽會同我老竇傾㗎啦，唔使咁擔心。」

或者我唔應該諗佢老竇反唔反對，我應該珍惜同佢相處嘅一點一滴，活在當下。

「BB，咁我哋而家做乜好呀？」



佢開口問我，我都唔係好知而家要做乜好， 我坐近到佢隔嚟，用一隻手攬住佢條腰 

「 不如我地坐係到感受下啲海風先啦。」

「好吖。」

 佢個頭挨咗係我個膊頭度，合埋咗對眼，笑得好甜，我望著佢，心入面諗著{真係希望時間停留係依一個moment！}

佢好似知道我一直望緊佢咁，



「係到諗緊啲咩嘢呀，諗到笑笑口？」

「諗緊同你相處嘅一點一滴囉，如果時間永遠停留喺呢一刻你話幾好。」

佢慢慢開返眼，望著我，望著佢咁深情嘅眼神，我完全脫離唔到，仿佛我個頭鎖住咗咁，

「但係如果停留喺呢一刻，就冇得製造更多更好嘅回憶啦喎。」

佢笑住咁講，一望到佢笑我個心即刻跳得好快，嗰個甜美嘅笑容，嗰對吸引住人嘅眼睛，



「只要望住你呢位天使，即使失憶都抵呀！天使呀，天使，喺天堂跌落嚟痛唔痛啫？」

 喺大庭廣眾講係尷尬同肉麻㗎啦，不過對住自己鍾意嘅人講咩都講得出㗎嘛！

十四歲嘅我終於初嘗戀愛嘅禁果，呢種感覺完全無法用文字去詮釋。 

我就好似一個小朋友，初次踏足大人嘅世界，對於一切都好好奇。 

「口甜舌滑，你對其他女仔都係咁㗎？」

「唔...唔係呀，淨係對你喳嘛，我唔準你質疑我嘅專一程度㗎，你係我嘅唯一嚟㗎嘛。」

就係咁，我哋就坐咗喺度傾咗半個鐘，之後我哋就行咗返屋企。 正當我沖好曬涼，準備開電腦打機嘅時候，我收到一個whatsapp，係來自Isabella send過嚟嘅，

「BB你做緊啲咩呀？」



「執緊書包同埋掛住你囉！」

「成日都咁肉麻㗎！」

「咁我哋情侶嚟㗎嘛。」

「好啦好啦，傾唔傾電話呀？」

兄弟們，對唔住啦！我有女朋友要陪，同唔到你哋打機，你哋自己努力啦！

「好！緊係好啦，有啲咩嘢重要得過女朋友先！」

「唔知你呀，可能你要打機呢？」



「嗰啲虛擬嘅嘢又點會有得同你比較先。」

 就係咁我哋就傾咗兩個鐘頭電話，原來呢啲就係拍拖，哇！小毒毒嘅拍拖初體驗呀 ！

「好啦，我要瞓啦，聽日見啦。」

 佢收咗線之後，我個心莫名其妙好滿足，於是我就走去瞓覺。
=====================
一生中百樣可能　愛上你是種緣份