[中學][純愛]讀男校嘅我，到底係咪真係咁難識女仔？: 第一次

「鈴鈴鈴！鈴鈴鈴！」

晚餐時間話咁快就到，雖說今日我阿媽會夜返，要自己煮野食，但食咩都成一個問題。 

「其實咁耐我都冇去過你屋企，不如今晚晚飯我去你屋企食呀！」 

哇！人生第一次有女仔主動提出要去自己屋企食飯，係好開心，但係都好緊張，事關...我唔識煮飯。 

「我冇問題呀，但係你想食咩呀？」 



「我想食下你，煮嘅野食，話晒你假假地都係我未來老公喎！」 

「好呀！冇問題！但係俾少少時間我準備先，可以嗰時叫你過嚟！」 

由細到大連鬼都冇驚過嘅我，面臨咗人生第一次大危機，到底要點樣先可以煮到一個符合女朋友要求嘅晚飯。 

「喂SIRI！」 

「喺到。」 



「幫我查下點樣煮好一餐飯！」 

「OK!以下係點樣煮好一餐飯嘅資料。」 

「咁就簡簡單單煮個炒飯算啦，好啦！係時候煮好個飯佢啦。」 

正當我開開心心煮緊我人生第一餐飯嘅時候，我發現一件離譜過阿媽係男人嘅事，屋企冇鹽。 

「點解一個正常嘅廚房會冇鹽㗎！媽呀！」 



呢個時候落街買鹽，買得嚟都宵夜時間啦，既然係咁，冇辦法之中嘅辦法，出嚟啦！雞粉！ 

眾所周知，炒飯入面落雞粉係絕對冇問題，一定唔會肚痛。 

「滋」 

我小，我感覺我條命掙啲不保。煮嘢食真係好難囉，隨時死咗都唔知發生咩事。 

「你阿媽搵你，你阿爸搵你，你.....」 

「又邊個呀，你知唔知我好忙㗎，打緊仗㗎，個廚房就爆啦！」 

「我呀！你阿媽呀！打嚟關心吓你啫，都要俾你鬧嘅，估唔到你竟然下煮喎，睇住呀，我唔想聽日新聞見到我地間屋著火呀！」 

「我係邊個呀，你個仔喎，搞得掂㗎啦，同埋你老母，唔係，我老母你記得買鹽呀！係咁啦！唔講啦！」 



咦？等陣！點解有陣燶味嘅？出事！ 

出事啦出事啦，煮燶嘢，快快脆喺佢到之前處理好！ 

「叮噹！」 

頂，點解咁快到㗎，死啦死啦，無嘢擺上台呀！ 

「Hi...hi」 

「Hi Isabella，點解你咁快嚟嘅？」 

「早啲見我男朋友唔好咩？煮緊咩呀？比我睇吓。」 



「唔...」

喺我開口之時，佢已經衝咗入廚房。佢望住眼前景象呆咗三秒。 

「睇嚟，你講大話！你根本就唔識煮嘢食，係唔係？」 

背景響起咗柯南嘅音樂。 

「咁...咁我唔敢同你講嘛，我驚你睇我唔起呀嘛！」 

「咁都未至於要逞強㗎嘛！走開啦，等我嚟！你今生有幸啦，可以一嘗本小姐嘅廚藝！」 

佢行入廚房，著上圍裙，成個人妻樣出晒嚟。 

「你個雪櫃入面有咩架？」 



佢望一望然後大嗌！
===================================================================================
廚藝為你舖滿檯