【純愛】想要成為你的一半: 第六章

「喂，你想食咩呀？」Chloe的聲音很溫柔，在腦海裏來來回回縈繞着，整個人軟了下來。 

「嗯…我無所謂呀……」我有點結巴地說。 

「咁不如食M記啦，我想試下個新包。」 

「吓，你認真㗎？」

「你唔好以為女仔成日都要食啲貴野先得㗎，靚女就唔會屙屎咩？」



我心想竟然有女仔跟我食M記，和之前那些當我是人肉ATM的港女簡直是天壤之別。  

 

買好餐後，一開始我們都是默默的各有各食，彼此也不知道該談論甚麼話題，氣氛相當尷尬，旁人看來就像兩個陌路人在搭抬。 

「係呢，點解你會叫我一齊食嘅？」 

「唔知啊，硬係覺得同你好似會幾啱傾囉。」 



「哦。」 

「係喎，差啲唔記得問你，你吹笛咁勁嘅，想見你想見你想見你都識。」我被她突如其來的問題嚇了一跳。 

「麻麻地啦，聽聽下幾好聽咪玩下囉。」我的語氣帶點輕佻。 

「嗯，套劇都幾好睇，好耐無睇過咁正嘅偶像劇。」 

「我都咁話，主角將兩個角色演得好細膩，懸疑位做得唔錯。」 



「係啊係啊，劇情又鋪排得好好，又表達到唔同年紀嘅價值觀。」Chloe越說越興奮。 

「嗯，估唔到你都咁鍾意睇。」 

「不過點解你咁勁，仲要報呢個course？上堂訓覺唔覺得哂錢咩？」她一臉疑惑。 

「咁你又點解報嘅？」我又問去她。 

「考完DSE無乜野做，咪學返囉。」 

「嗯，我都唔想架，考完試呀媽見我太得閒咪逼我上。」我心想「唔痛話你知我想溝你先上咩」 

「頭先你吹首歌又真係幾型。」Chloe雙眼發光。 

「係咩？」 



「頭幾秒係嘅，不過後尾就有啲柒，哈哈！」雖然她笑得有點賤，但我又沒有感到生氣。 

「妖，你有我吹得咁好聽咩？」我面露不屑。 

「你嬲呀，講笑咋！」 

「咁啫係型定柒呀？」我對她完全沒有辦法。 

「Ok型啦，唔講住，我夠鐘要走，下次見。」Chloe執拾好，準備動身走。 

「Chloe，你可唔可以俾個電話我，難得我地咁好傾。」我想她應該不會拒絕我的。 

「好吖！得閒搵我傾下計啦，bye~」Chloe給了我電話，笑了一笑便轉身走了。 



 

那一晚我無法入睡，腦海裏滿滿都是她的畫面，她的氣息、聲線以至那傾城的回眸一笑，我已經等不及再見到她，一面也好。