【純愛】想要成為你的一半: 第八章

一大早醒來，又是指定動作，到龍門冰室吃個all day breakfast。 

 

我叫了個外賣，然後在門口等，誰不知湊巧遇上她。 

「阿風，咁都撞到你嘅！」 

「係咪好掛住我呢，baby」我抬頭一看，馬上施展大師級chok樣。 



「你無撚野啊嘛！」Chloe向我投以嫌棄的眼神。 

「This is so called definition of chok，細路女唔識㗎喇。」 

「屌你，俾你搞到無晒胃口啦。」 

「啱囉，唔食咪減到肥，嘿嘿。」 

「咩話，我邊度肥呀！」Chloe使勁搣我的手臂。 



「啊！係喇你唔肥，仲好fit添。」 

「算你啦，放過你。」 

「你又嗌外賣啊？」 

「係啊。」 

「er… 你上唔上黎我度食呀？」我拍拍她的膊頭。 



「淨係得我同你？」 

「係呀，你唔想都…」

「好吖。」Chloe還未待我說完就一口答應。



我們拿到外賣便一起走回我家。 

「嘩，你屋企咁大嘅！」Chloe一臉嘩然。 

「麻麻地啦，快啲食野，好鬼肚餓啊！」 

「嗯。」 



 

正當我打算動手時，她目不轉睛地盯着我的沙嗲牛肉麵。 

「做咩眼甘甘，你想食我嗰啲呀？」 

「好似幾好食咁，share啲俾我吖！」她用楚楚可憐的眼神看着我。 

「想食都得，不過要我餵你喎。」 

「咪玩啦。」 

「咁就算啦。」 



「你話點就點囉。」 

「啊…」我遞了幾小片牛肉至Chloe的嘴邊，示意她張開嘴。 

「到你啦。」 

「咩呀？」 

「咁囉。」我靠近她，然後指指嘴邊。 

「唔知醜。」 

「唔公平，你食左我個啲，我又無得食返。」我用雙手托住下巴，chok出一把嬌嗲的聲音。 

「男人老狗咪咁核突啦，餵你食啦。」 



如是者，我們一人一口的餵來餵去。 

 

吃完早餐後，我提議看The King: 永遠的君主，因為我知道她很喜歡李敏鎬。 

「好啊，最近幾集我都未睇。」 

看了十多分鐘，我已經打不起精神，劇情不怎吸引，時間線又混亂，不知不覺間就睡着了。 

「喂睇完啦，快啲起身。」Chloe搖搖我的手臂。 

「比…我瞓…多陣啦。」 



「唔好挨落黎，好鬼重呀！」Chloe一把推開我的頭。 

「啊…條頸好痛啊！」我使計玩弄一下她。 

「你無事吖嘛？」她把臉哄過來。 

「你扶一扶我起身先。」 

「啊！」Chloe想拉起我，怎料不夠力，整個人跌向我身上，就這樣我硬食了一記波餅。 

「er…你自己跌落黎咋，我無抽你水架。」 

「都唔關你事，係我唔夠力啫。」 

此刻我們之間只有一隻手指的距離，很清晰地聽到她急促的呼吸聲，相反我卻被她壓得呼吸都有點困難。


「你起返身先，我郁唔到呀。」 

「Sorry Sorry，你仲痛唔痛啊？」 

「無事呀，玩下你咋。」我摸着頭傻笑着。 

「哼，唔睬你呀！無乜野我走先喇。」Chloe語畢便急急忙忙離開。 

 

關門聲讓我從剛才被她胸壓的感覺抽離出來，我恍然一想，Chloe有沒有發現到我下面扯了？

她該不會氣了我，以後都不理睬我吧？