【純愛】想要成為你的一半: 第十一章
經過這件事後,Chloe漸漸敞開心扉,和我多了聯絡,對彼此的了解也加深不少。
「呀風,你將來有啲咩打算,見你成日都好似好hea咁。」有次Chloe問我。
「唔知啊,入U之後玩多幾年先啦,grad左先算。」
「其實我唔多鍾意嗰啲無夢想、無目標嘅男仔。」
這句話使我恍然大悟,仔細想想才發現自己這些年根本沒想過未來,每天但求得過且過。
「打下籃球掛,搵啲比賽玩下咁。」我隨便說說,難道跟你說「我剩係想溝你咩」
「有機會我黎睇你打波好唔好?」Chloe好像很興奮,看來我是自找麻煩。
「好吖,我怕你見到我咁勁會愛上我咋!」我眨一眨眼。
「我唔信,你條柒頭實輸到喊住叫呀媽!」她用鄙視的目光瞪着我。
「到時睇下點。」
到了這個地步,我也沒全身而退的餘地,只好拜託呀文替我牽紅線,看看能不能加入他那支業餘球隊。
「我同教練講左啦,咁啱隊波走左2件,佢話下次過黎一齊練波。」呀文拍拍我的膊頭。
「啫係我地遲啲有得一齊落場打?」
「有機嘅,我地班人唔算好勁,我要做第一得分點你就知啦。」
「唔撚係呀?」我驚呼一聲。
「過幾日你就知㗎喇。」 到了第一次練習的日子,我提早半小時到達場館,稍作熱身,順帶試試手感。
「咁早啊男神風,你今次嚟真喎,平時約你遲成個鐘都試過。」呀文對我揮手。
「我要證明比一個人睇我打波係得架。」
「哦,之前叫你入又係咁推,原來係為左女女!」
「你地吹完水未呀?開波啦!」有個飛機頭大叔在場邊怒吼。
「同你介紹返,呢位就係我地教練,Lue Sir!」呀文拉我過去他面前。
「呢個肥仔就係你上次講個friend,睇落都ok,埋位試下。」 一開始就分隊打練習賽,我和呀文一隊,我打分衛,他打小前。
「仲記唔記得我地個組合名?」開球前,呀文向我伸出一個拳頭。
「咪撚玩啦,咁中二病!」我懶得理他。
「黎啦,上次餐飯唔駛你找數。」
「好啦好啦。」
「文風喪膽!Let's rock it!」