【純愛】想要成為你的一半: 第十五章
之後呀文又約了我一起打球。
「砰!」我賞了一個大火鍋給呀文,搧走那必入無疑的上籃,然後怒瞪着他。
「屌,乜撚野啊你!」他嚇得目瞪口呆。
「呀!呀!好耐都無試過咁爽!」我仰天長嘯,將壓抑多時的怨氣一口氣釋放出來。
「你返黎喇,呢個咁有火嘅先係我識嘅呀!」他一拳揮向我心口。
「而家返黎仲未遲啊嘛?
「碌柒啦你!」
「而家係20XX年5月30日11點37分,我想你見證住…由呢一分鐘開始,陳澤風浪子回頭,重新出發…」我指着手錶,耍酷地撥了幾下頭髮。
「跟我一齊做,正能量正能樣!」呀文打斷我的話,chok了個仆街樣。
「屌,俾你搞到無哂mood呀,柒頭!」
「好嘔心囉,講埋啲咁嘅野,我唔係你啲女屌你!」
「嘻嘻……」我嘴角含春。
「笑乜鳩啊!係咪搞掂左佢啦?」
「未呀,都唔知點好,人地啱啱先分左手,廢事佢覺得我乘虛而入啦。」
「咁你咪試下佢囉。」
「點試?」我一臉茫然。
「搵下機會唔覺意做下身體接觸,拖下手仔,佢無縮就啫係…哈哈…哈哈…」他的笑容非常淫褻。
「有無簡單啲架?」
「咪話我唔醒你,直接啲,歌都有得唱~能風揸波簡單過壞燈膽~」呀文雙手使力地抓着籃球。
「揸都揸你先啦!」我飛身撲向他。
「吖!吖!唔好呀!好爽呀!呀風我濕哂啦!」呀文使勁地呻吟。
突然我感覺到其他人的目光都聚焦在我們身上。
「咪玩啦,人地望住呀。」我輕聲對他說。
「死啦,佢地實以為我基啦屌!」呀文面容扭曲。
「閃啦,俾人拍埋片,仲使出黎撈!」之後我們立刻逃離現場,依稀聽到甚麼「好基友」、「係愛啊」,太嘔心了吧!