【純愛】想要成為你的一半: 第十七章

那個人向我揮手，想躲也躲不了。 

「喂皮仔，咁啱撞到嘅？」 

「係囉，又會咁啱，哈哈！」我尷尬地微笑。 

「呀風，呢位係…」Chloe問道。 

「佢係我中同，雲加迪，Dick」 



「你地拍拖吖，咁我唔阻你地啦。」 

「唔係啊！」我和Chloe同時大叫。 

「人少就認左佢啦，咁有默契。」 

「鬼同佢有默契啊！」Chloe扁着嘴說。 

「我地無野架，你唔好同班友講，打鳩我都似。」 



「點會呀，我似啲咁嘅人咩？」Dick戚戚嘴角。 

 

Dick銷魂的眼神看似找到了新獵物，身軀蠢蠢欲動，旁人一眼就看出他對Chloe不懷好意。 

「靚女，介唔介意借皮仔過黎用下？」 

「隨便啦。」Chloe一臉不在乎。 



「搞錯呀，你條傻鳩做乜唔介紹我識呀，條女咁正。」Dick把我拉到一邊的角落。  

「介紹你識，你條狗公想點我唔知咩，靚仔大哂呀，全世界啲女俾你食哂，公平咩？公平咩？」我心裏默念。 

「邊係呢，同你平時食開啲女差好遠啦。」 

「唔係吖，白白淨咁，腳又長又滑，幾pure幾true，實係處啦！」  

一聽見其他人對Chloe有非分之想，心裏就揪住揪住，一股莫名的憤怒不自覺的衝上心頭。

現在的我終於明白那種對意中人的着緊，一看到別人淫邪的目光，心裏很難不耿耿於懷，不想他人感受她的美好，那管只是一點點。 

「你諗都唔好諗呀！搵食行遠啲！」 

「又唔係你條女，你理撚得我！」他露出一副不可一世的臭臉。 



「總之就唔得啦！佢係我好朋友，我唔准任何人傷害佢！」 

「同我鬥，你憑咩呀？」 

「起碼我係真心對佢，唔似得你周圍係度flirt女，抵你成世都溝唔到女！」 

「咩話！你夠膽就講多次！」他氣得怒火中燒。 

「永遠都溝唔到！阿記攞到英超冠軍都未輪到你條柒頭！雲加迪屌你老母！」 

「陳澤風你好嘢，我有排同你玩呀！」說罷他便氣沖沖地走了。 

 



我也不知道那裏來的勇氣，也許這就是愛的力量，為了守護身邊重要的人，渺小的我竟然瞬間充滿力量，不自量力地與風頭躉對抗。暗爽了幾秒後，我回過神才驚覺這次真的惹麻煩了！