【純愛】想要成為你的一半: 第二十四章
「做咩帶我返黎樂天?」Chloe流露出一個非常詑異的表情。
「唔話你知。」
「古古怪怪。」
「大佬,我走先啦。」Save哥看到我們後,一手把鎖匙拋給我。
「小心搞出人命。」他臨走前在我耳邊說,靜靜塞個dom進我褲袋。
「你真係…」我苦笑一下。
「你地頭先講咩呀?無唒人你想點?」Chloe完全搞不清楚狀況。
「你話呢?」我用心邪的眼神盯着她。
「你唔好亂黎喎!」Chloe雙手護胸。
「我咁正直又點會做埋啲咁嘅野呢。」
「過黎吖,有野俾你睇。」我指指房門。
「唔制!」Chloe扁扁嘴,別過臉。
「唔係啲咩衰野,黎啦,瞇埋眼先。」
「信你一次咁多。」
我扶着Chloe進房,讓她在鋼琴邊坐下。
「開得眼未呀?」
「你係心入面數十秒就開眼啦。」
我吸一吸氣,手指輕敲琴鍵,旋律響起。
誰會為愛人 不惜一切
而我或太傻 愛你願放棄一切
朋友亦叫我控制
說放膽愛便失勢
我不想給歪理來蒙蔽
容我愛你深不見底
I Miss You 感動你
這份愛 太神奇
真心來溶化你
誰要勉強假裝愛理不理
我只想 保護你
發誓要 你歡喜
不必刻意 無需構思
坦率對著你說一句 I Miss You
Baby I Miss You
這次是我第一次當着別人面前自彈自唱,每一個字,每一個音符都代表着我對她的心意,我無時無刻都想見到眼前的這個女孩,擁着她,親親她,很想好好愛護她,
只要她開心我便會開心。為了她,我不惜一切代價也要讓她得到幸福,永遠在身邊支持她,疼愛她。
音樂停下的一刻,我們四目交投,清晰看見幾滴淚珠凝在她眼眶裏打轉。
「衰人,又搞到人地咁樣。」
「唔好喊啦,我做呢啲都係想你笑,想你開心。」我輕扶着她的臉。
「我…知架,但我控…制唔…到,你為我…做咁多野…我…真係好…開心!」Chloe把頭靠在我的胸膛。
「傻妹。」我順勢把她擁進懷裏。
「雖然我地識左唔係好耐,經歷嘅事又唔算多,但係唔知點解你偏偏俾到感覺我,好想保護你,好想錫住你,想你一直對住我笑,你可唔可以俾個機會我好好咁愛你,應承做我女朋友,好無?」我稍稍鬆開她。
Chloe點了幾下頭,然後輕輕吻我的臉。
「真係得?真係得?」我捉住她的雙手問她。
「係啊,白痴。」
「好野!」我輕吻了她的額頭,然後滿足地傻笑。
Yeah!我終於成功了!