【純愛】想要成為你的一半: 第二十九章

自從那一天後，我用盡任何辦法也找不到Chloe，由電話、IG，後來到樂天，上班的地方甚至在她的住宅外等足一整天，但這一切盡是徒勞無功。

既然她有心要躲我，就沒那麼容易就找到她，看來只好等她消氣再說。

過了僅僅數天，她就像徹底在我的生命裏消失，世界又再次遺下我一人。 

這幾天，我重覆思索為何把事情弄得如此不堪，怪責自己竟然沒注意到小柔的心思，讓她投懷送抱，甚至曾經萌生出一絲歪念，最終傷透了Chloe的心。

本來那一絲自覺能挽回感情的自信也逐漸磨滅，思緒越發凌亂，是不是所有事情已到了無法挽救的地步，一切早已定局？我搖搖頭，對天苦笑，如同三年前的情景。



那怕開首不同，結局亦早已編好，身邊人終究會離開，到頭來注定是孤獨一人，恐怕萬年孤寂就是我的命運，是無法扭轉的定理。 

軟弱的我萌生起放棄的念頭，但偏偏有一個人硬是要將我從黑暗裏拉出來。 

「一日未分手啫係仲有得救啦，咁快就放棄，你甘心咩？」Save哥來找我。 

「你唔會明，一次又一次係咁，整定我係要屈服㗎喇。」 

「就算呢個世界不停要你放棄，咁又點，你就要認命咩，打唔贏個世界都好，你都唔可以俾佢打低！」Save哥扯着我的衣領。 



「我唔係無試過，我已經好努力啦，但係都改變唔到，呢個係命運。」 

「人定勝天呀屌你，只要你肯堅持，總有一日你會改變到！」 

「得咩？」 

「唔知㗎，希望在明天吖嘛。」 

「屌，又係呢句。」 



「我一直都信會光復到香港，十年唔得咪廿年，廿年唔得咪三廿年，總有一日會實現到㗎。」 

「望就咁望啦。」 

「比起呢啲，氹女仔好小事啫，我覺得佢只係對自己無信心，驚你玩厭左，你同佢講返你心入面係點諗，佢feel到你係真心鍾意佢，佢就應該會原諒你。」 

「我知㗎喇，我唔應該咁易就放棄呢段感情，大佬多謝你鬧醒我。」 

「講呢啲，一場兄弟唔通睇住你死咩！」 

 

謝謝你為身處深淵的我帶來曙光，這一次我絕不會放手。