中場休息時,我們幾個圍圈商討下半場的打法。 

「再咁落去真係唔掂,我地啲戰術完全做唔到,淨係得呀文同呀風攞到分。」Tower垂頭喪氣地說。 

「實力相差太遠喇,點打啊!」呀添氣憤得大力拍椅。 

「如果佢係度就好啦。」Tower又說。 

「無可能,佢點會黎到。」呀文搖搖頭。 



「係咪講緊我啊?」有把磁性的聲音從後方傳來。 

我們紛紛轉身,只見一個高大的身影靠在欄杆。 

「龍哥,真係你?」 

「我地有救啦!」 

「No,call me C Dragon!」那個人搖搖手指。 



 

之前以為高偉瑞稱得上是挺帥氣的,但現在只有C Dragon能配得起這兩個字,單是深邃的眼神和濃厚的眉頭就足以擊倒他。 

 

「Chok夠未呀,李志龍,終於肯返黎喇咩!」Lue Sir沒好氣的說。 

「隊波放我一個星期假,咪返黎睇下你地打成點,無左我都打得唔差吖。」 



「輸緊十幾分喎。」呀添苦笑。 

「大家都打得好努力,防守好專注,係進攻打唔到平時嗰種風格啫。」C Dragon拍拍呀添的肩膀。 

「係囉,大家唔好咁灰,仲有下半場俾我地追,仲有龍哥係度使乜驚吖!」呀文拍拍手說道。 

「都話係C Dragon咯。」 

「知你型棍喇屌!」我們異口同聲地說。 

「講返啲正經野,一陣呀龍上場頂呀Tower,輝仔拉上去打Center,多啲打5-out,清空space俾呀龍係籃底,同埋肥仔你去守返控衛,其他人就車輪戰招呼KD,收唔收到?」 

「Yes Sir!」 

 



「喂,靚仔你都幾好波喎,攻守一體,J死女啦。」C Dragon走來跟我說。 

「咪玩啦,點夠你勁吖,高大有型,打到去台灣SBL,連OJ Mayo都點名讚你。」 

「欸,門面功夫黎啫,一陣靠你carry我喇。」 

「哇,唔敢當,唔敢當,靠你幫我吸怪就真。」我身軀微微一躬,雙手如武俠般緊合。 

「大家咁話。」 
已有 0 人追稿