【純愛】想要成為你的一半: 第三十五章
此刻雙腳開始不聽使喚,恐怕是上半場消耗過多的體力硬扛KD和大量單打,體力已接近臨界點,很難再維持高能量的打法。
「咁快爆偈呀你!」呀文看我攤在地上便調侃我。
「大佬你試下,又要做ace stopper,又要攞波爆入去,好撚攰啊!」
「平時叫你操fit啲體能又係度hea下hea下。」
「個個好似你咁玩命,練到走火入魔咩!」
「頂埋呢節佢啦,無你外線防守實俾人打爆。」Lue Sir跟我說。
「但我真係頂唔住,俾我抖陣先。」
「咁快就放棄,你唔記得應承左我啲咩嗱?」一把溫柔的聲音傳入我耳邊。
「吓,你做咩落左黎?」
「你緊係想我睇唔到你而家咁樣啦!」Chloe大力扭着我的耳朵。
「啊…我無話放棄,只不過成個人真係無哂力咁,之前爆得太盡。」
「我俾啲力量你喇。」她淺淺一笑。
「點俾呀?」
這個時候,Chloe扶住我的臉龐,輕輕親了一下我的嘴唇。
「有無好啲呀?」
「又真係好左啲,可唔可以再黎過?」
「唔得喎,你贏左先講啦。」她說完便逕自走上看台。
不知何故,全身又充滿力量,我一個蜈蚣彈彈起來,預備繼續作戰。
「你條傻鳩就爽撚死啦,我都想有條女俾力量我啊!」呀文嘟起嘴說。
「妖,你睇到哂呀?」
「咁明顯,全世界都睇到啦。」
「唉,柒左。」
「寸我呢啲毒撚吓話!」呀文握拳,作勢打向我。
「我錯我錯,開波喇唔同你玩。」
第四節終於來臨,對方似乎想拖延時間,放慢節奏,試圖用盡進攻時間。我方當然不會讓他們輕易得逞,立即加強壓迫,逼使他們出現失誤。
比數依舊僵持不下,維持在6至9分之間,於是我們將進攻重心轉移到外線,利用C Dragon在禁區的牽制力,佯攻籃下再分球到外圍,
加上呀文一貫犀利的突破拉散對方的防線,創造了不少中遠投的空檔,我亦不負眾望投進2記3分球,把分差收窄至4分。
倒數90秒,我看穿Walker的傳球線路,快手把球截下,隨即交給輝仔走快攻,上籃搏到犯規,兩罰中一,追至3分。
之後KD和呀文各進一球,時間所餘無幾,只剩下8秒讓我們追回3分差距,Lue Sir要求暫停來制定最後一擊的戰術。