「Last設計個戰術俾肥仔出手,呀文輝仔負責擋人,呀龍穿過掩護走去底角扮接波,肥仔就作勢走上弱邊底角,跟住變速走返出弧頂C&S…」Lue Sir在戰術板上畫來畫去。 

「真係…我去射,阿Sir你係咪講笑咋,龍哥文哥啲3分都唔差,不如交俾佢地其中一個啦。」我有點質疑Lue Sir的部署。 

「我認真㗎,對面未必估到係你出手,應該唔會重點招呼你,可能殺到個錯手不及,我記得好似94定95年公牛無Jordan,正路應該俾Pippen射絕殺,點知set左俾KuKoc,仲入撚埋,俾啲信心自己,平時練波你都入唔少啦。」 

「好!我唔會令大家失望,呢球點都要入到!」 

 



果然不出他所料,對方只顧看守C Dragon和呀文,加上C Dragon的走位極具詐騙性,沒留意到我跑出個小空檔,趕在對方撲防前接球,再順勢拔起來投籃,還沒看清球的去勢,一股痛楚就使我眼前一黑,腳踝碰到硬物扭了一扭,該不會是那招吧?

幹,他真的墊我腳!至於我投不投進那顆球,我不敢張開眼看,但聽見皮球與籃框清脆的碰撞聲,結果已經一目了然。 

 

我的主角光環去哪了!? 

 



C Dragon看見我倒地,馬上衝前跟球證理論。 

「墊腳喎球證,做乜唔吹?」 

「無侵犯到圓柱體,合法碰撞。」 

「合你老母,識唔識波㗎屌你!」 

「嗶!嗶!技術犯規。」 



「屌你老母臭閪,死黑哨!」C Dragon繼續纏住球證。 

「算啦,唔好搞大佢。」呀文他們拉住C Dragon。 

「咩啊,唔講野係咪心虛!」 

「由佢啦,我都無乜野。」我勉強站起來。 

「收皮啦柒頭,點嘈都輸㗎啦,垃圾!」Walker又走來挑釁C Dragon。 

「我上半場有打嘅話,你地輸撚左好耐!」C Dragon一記左勾拳揮向他的臉。 

「打我!你想死我就送你一程。」 

「睇下邊個死!」 



 

氣氛有點像當時CP3和Rondo大打出手的情況,他倆互相打了幾拳,之後又有幾個人加入,好不容易才被我們隔開,不然恐怕會釀成奧本山宮殿毆鬥的悲劇。 

 

擾攘了約15分鐘,球賽重新展開,時間只餘下1.7秒。對方投進罰球後再發個邊線球,球證就鳴笛宣告終場,最後我們以69-73敗陣。 
已有 0 人追稿